ಬೆಂಗಳೂರು: ಮತ್ತೆ ಬೀದಿ ನಾಯಿಗಳ ಅಟ್ಟಹಾಸ; 3 ಮಕ್ಕಳ ಮೇಲೆ ದಾಳಿ

Team Udayavani, Sep 12, 2018, 10:41 AM IST

ಬೆಂಗಳೂರು: ಸಿಲಿಕಾನ್‌ ಸಿಟಿಯಲ್ಲಿ ಬೀದಿ ನಾಯಿಗಳ ದಾಳಿ ಮಿತಿ ಮೀರಿದಂತೆ ಕಾಣುತ್ತಿದ್ದು , ಸೋಮವಾರ ಒಂದೇ ದಿನ 3 ಮಕ್ಕಳ ಮೇಲೆ ದಾಳಿ ನಡೆಸಿವೆ. 

ಪದ್ಮನಾಭನಗರದದ ಕನಕ ಬಡಾವಣೆಯಲ್ಲಿ  ನಾಯಿಗಳು ಅಟ್ಟಹಾಸ ಮೆರೆದಿದ್ದು  10 ವರ್ಷದೊಳಗಿನ ಮಕ್ಕಳ ಮೇಲೆರಗಿವೆ. 

7 ವರ್ಷದ ಬಾಲಕಿ ಮಹಾದೇವಿ, 9 ವರ್ಷದ ಬಾಲಕಿ ಕೋಟೇಶ್ವರಿ ಮತ್ತು 9 ವರ್ಷದ ಬಾಲಕ ತನ್ಮಯ್‌ ಗೌಡ ಮೇಲೆ ದಾಳಿ ನಡೆಸಿವೆ. 

ತನ್ಮಯ್‌ ಮೇಲೆ ಮೂರು ನಾಯಿಗಳು ಎರಗಿದ್ದು , ಭಯಾನಕ ದೃಶ್ಯಗಳು ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು ಬೆಚ್ಚಿಬೀಳಿಸುವಂತಿದೆ. ನಾಯಿಗಳು ಕಚ್ಚುತ್ತಿರುವ ವೇಳೆ ಸ್ಥಳೀಯರು ಬಂದಿ ಬಿಡಿಸಿದ್ದಾರೆ. 

ಸೆಪ್ಟೆಂಬರ್‌ 2 ರಂದು ಬೆಂಗಳೂರಿನ ವಿಭೂತಿಪುರಂನಲ್ಲಿ ಬೀದಿ ನಾಯಿ ದಾಳಿಗೆ ಬಾಲಕನೊಬ್ಬ ಬಲಿಯಾಗಿದ್ದ. 
ಜನರು ಇದೀಗ ಮಕ್ಕಳನ್ನು ಬೀದಿಗೆ ಬಿಡಲು ಭಯಪಡುತ್ತಿದ್ದಾರೆ.