ಪಿನ್‌ಗಳು ಸಂಪುಟದಲ್ಲೇ ಇದ್ದಾರೆ:ಆರೋಪ ಸಾಬೀತು ಮಾಡಲು ಬಿಜೆಪಿ ಸವಾಲು 

Team Udayavani, Sep 15, 2018, 1:56 PM IST

ಬೆಂಗಳೂರು: ಮೈತ್ರಿ ಸರ್ಕಾರವನ್ನು ಕೆಡವಲು ಬಿಜೆಪಿ ನಾನಾ ಅಕ್ರಮ ಚಟುವಟಿಕೆಗಳಲ್ಲಿ ತೊಡಗಿಸಿಕೊಂಡಿರುವ ಕಿಂಗ್‌ಪಿನ್‌ಗಳನ್ನು ಬಳಸಿಕೊಳ್ಳುತ್ತಿದೆ ಎಂಬ ಮುಖ್ಯಮಂತ್ರಿ ಎಚ್‌.ಡಿ.ಕುಮಾರ ಸ್ವಾಮಿ ಗಂಭೀರ ಆರೋಪಕ್ಕೆ ಬಿಜೆಪಿ ಟ್ವೀಟ್‌ ಮೂಲಕ ತಿರುಗೇಟು ನೀಡಿದ್ದು ,ಆರೋಪ ಸಾಬೀತು ಮಾಡಲು ಆಗ್ರಹಿಸಿದೆ.

ಹಿಂಡ್‌ ರನ್‌ ಕುಮಾರಸ್ವಾಮಿ,104 ಸ್ಥಾನಗಳನ್ನು ಹೊಂದಿರುವ ಯಡಿಯೂರಪ್ಪ ಅವರೇ ಕನ್ನಡಿಗರ ಆಶೀರ್ವಾದ ಪಡೆದ ನಿಜವಾದ ರಾಜ. ನೀವು ಸುಳ್ಳು ಆರೋಪಿಸಿರುವ ಪಿನ್‌ಗಳು ನಿಮ್ಮ ಸುತ್ತಲಿನ ಮಂತ್ರಿಗಳೇ ಆಗಿದ್ದಾರೆ. ಮುಖ್ಯಮಂತ್ರಿಯಾಗಿ ಮಾತನಾಡುವ ವೇಳೆ ಪ್ರಜ್ಞೆ ಇರಲಿ. ನೀವು ಮಾಡಿರುವ ಆರೋಪಗಳನ್ನು ಸಾಬೀತು ಮಾಡಿ ಅಲ್ಲವಾದಲ್ಲಿ ಹುದ್ದೆಗೆ ರಾಜೀನಾಮೆ ನೀಡಿ ಎಂದು ಟ್ವೀಟ್‌ ಮಾಡಿದೆ. 

ಕುಮಾರಸ್ವಾಮಿ ಅವರು ಶುಕ್ರವಾರ ಸುದ್ದಿಗಾರರೊಂದಿಗೆ ಮಾತನಾಡುವಾಗ ಗಂಭೀರ ಆರೋಪ ಮಾಡಿದ್ದರು.