ಕೇರಳ ಬ್ಲಾಸ್ಟರ್ಸ್‌ ತಂಡದ ಷೇರು ಮಾರಿದ ಸಚಿನ್‌

Team Udayavani, Sep 17, 2018, 3:44 PM IST

ಮುಂಬಯಿ: ಇಂಡಿಯನ್‌ ಸೂಪರ್‌ ಲೀಗ್‌ (ಐಎಸ್‌ಎಲ್‌) ಫ‌ುಟ್‌ಬಾಲ್‌ ಆರಂಭಕ್ಕೆ ಇನ್ನೇನು ಕೆಲವೇ ದಿನ ಬಾಕಿ ಇದೆ ಎನ್ನುವಷ್ಟರಲ್ಲಿ ತನ್ನಲ್ಲಿದ್ದ ಫ್ರಾಂಚೈಸಿ ಷೇರುಗಳನ್ನು ಕ್ರಿಕೆಟ್‌ ದಿಗ್ಗಜ ಸಚಿನ್‌ ತೆಂಡುಲ್ಕರ್‌ ಮಾರಾಟ ಮಾಡಿದ್ದಾರೆ. ಇದರೊಂದಿಗೆ ಕೇರಳ ಫ್ರಾಂಚೈಸಿ ಜತೆಗಿನ ಅವರ 4 ವರ್ಷಗಳ ಸಹ ಮಾಲಕತ್ವ ಒಪ್ಪಂದ ಮುಗಿದಿದೆ. 

“ಕೇರಳ ಬ್ಲಾಸ್ಟರ್ಸ್‌ ತಂಡದ ಜತೆಗಿನ 4 ವರ್ಷಗಳ ಸುದೀರ್ಘ‌ ಒಪ್ಪಂದ ಅತ್ಯಂತ ಖುಷಿ ನೀಡಿದೆ. ಇಡೀ ಕ್ಲಬ್‌ ತಂಡ ನನ್ನ ಜೀವನದ ಅವಿಭಾಜ್ಯ ಅಂಗ ಎನ್ನುವಂತಿತ್ತು. ಕೇರಳಕ್ಕಾಗಿ, ಇಲ್ಲಿನ ಜನತೆಗಾಗಿ ನನ್ನ ಹೃದಯ ಸದಾ ಮಿಡಿಯುತ್ತಿರುತ್ತದೆ.  ತಂಡಕ್ಕೆ ಎಲ್ಲ ರೀತಿಯಲ್ಲೂ ಒಳಿತಾಗಲಿ ಎಂದು ಹಾರೈಸುತ್ತೇನೆ’ ಎಂದು ಸಚಿನ್‌ ಈ ಸಂದರ್ಭದಲ್ಲಿ ಹೇಳಿದ್ದಾರೆ.

2014ರಲ್ಲಿ ಸಚಿನ್‌ ತೆಂಡುಲ್ಕರ್‌ ಕೇರಳ ಬ್ಲಾಸ್ಟರ್ಸ್‌ ತಂಡದ ಸಹ ಮಾಲಕರಾಗಿ ಸೇರಿಕೊಂಡಿದ್ದರು. ಮೊದಲ ಆವೃತ್ತಿಯಲ್ಲಿ ಕೇರಳ ತಂಡ ರನ್ನರ್‌ಅಪ್‌ ಪ್ರಶಸ್ತಿಯನ್ನೂ ಪಡೆದುಕೊಂಡಿತ್ತು.