ರಾಜಕೀಯದ ಬಗ್ಗೆ ಪ್ರಸ್ತಾಪವೇ ಆಗಿಲ್ಲ

Team Udayavani, Sep 23, 2018, 6:00 AM IST

ತಿರುವನಂತಪುರಂ: “ಪ್ರಧಾನಿ ಮೋದಿ ಅವರು ನನ್ನೊಂದಿಗೆ ರಾಜಕೀಯಕ್ಕೆ ಸಂಬಂಧಿಸಿದ ಒಂದೇ ಒಂದು ಪದವನ್ನೂ ಮಾತನಾಡಿಲ್ಲ.’ ಹೀಗೆಂದು ಹೇಳಿಕೊಂಡಿರುವುದು ಮಲಯಾಳಂ ಸೂಪರ್‌ಸ್ಟಾರ್‌ ಮೋಹನ್‌ಲಾಲ್‌. ಇತ್ತೀಚೆಗೆ ಪ್ರಧಾನಿ ಮೋದಿ ಅವರನ್ನು ಭೇಟಿಯಾದ ನಂತರ ಹಲವು ಊಹಾಪೋಹಗಳು ಹರಿದಾಡಿದ ಹಿನ್ನೆಲೆ ಯಲ್ಲಿ ಮೋಹನ್‌ಲಾಲ್‌ ಅವರು “ಮೋಡಿಫೈಡ್‌ ವೇವ್ಸ್‌’ ಎಂಬ ಶೀರ್ಷಿಕೆಯಡಿ 8 ಪುಟಗಳ ಸ್ಪಷ್ಟನೆ ನೀಡಿ ಫೇಸ್‌ಬುಕ್‌ನಲ್ಲಿ ಹರಿಬಿಟ್ಟಿದ್ದಾರೆ.

ನಾನು ಮೋದಿ ಅವರನ್ನು ಭೇಟಿಯಾದ ಬಳಿಕ ಹಲವು ಸುದ್ದಿಗಳು ಹರಿದಾಡುತ್ತಿವೆ. ಭಾರತೀಯ ನಾಗರಿಕನಾಗಿ, ಅನುಮತಿ ಸಿಕ್ಕಿದರೆ ನಾನು ಯಾವಾಗ ಬೇಕಿದ್ದರೂ ಪ್ರಧಾನಿಯನ್ನು ಭೇಟಿ ಯಾಗಬಹುದು ಎಂದು ಲಾಲ್‌ ಹೇಳಿದ್ದು, ಅಂದು ಪ್ರಧಾನಿ ತಮ್ಮನ್ನು ಬರಮಾಡಿಕೊಂಡ ಬಗೆಯನ್ನೂ ವಿವರಿಸಿ ದ್ದಾರೆ. ಅಲ್ಲದೆ, ರಾಜಕೀಯದ ಕುರಿತು ಪ್ರಸ್ತಾಪವೇ ಆಗಿಲ್ಲ ಎಂದು ಸ್ಪಷ್ಟಪಡಿಸಿ ದ್ದಾರೆ.