ಇಬ್ಬರು ಅಂತಾರಾಜ್ಯಕಳ್ಳರ ಬಂಧನ:ಲಕ್ಷಾಂತರ ರೂ. ಮೌಲ್ಯದ ಚಿನ್ನಾಭರಣ ವಶ

Team Udayavani, Oct 1, 2018, 2:49 PM IST

ಸಿಂಧನೂರು: ಹಲವಾರು ಕಳ್ಳತನ ಪ್ರಕರಣದಲ್ಲಿ ಭಾಗಿಯಾಗಿದ್ದ ಇಬ್ಬರು ಅಂತಾರಾಜ್ಯ ಕಳ್ಳರನ್ನು ಬಂಧಿ ಸುವಲ್ಲಿ ಸಿಂಧನೂರು ಪೊಲೀಸರು ಯಶಸ್ವಿಯಾಗಿದ್ದಾರೆ.

ಈ ಕುರಿತು ನಗರ ಪೊಲೀಸ್‌ ಠಾಣೆಯಲ್ಲಿ ಎಸ್ಪಿ ಡಿ.ಕಿಶೋರಬಾಬು ಮಾಹಿತಿ ನೀಡಿದರು. ಆಂಧ್ರಪ್ರದೇಶದ ನೆಲ್ಲೂರು ಜಿಲ್ಲೆಯ ಕಪ್ಪರಾಳ ಗ್ರಾಮದ ಆನಂದ ಗೊಡಟ್ಟಿ (46) ಹಾಗೂ ರಾಜು ಗೋಗಲ್‌ (46) ಬಂಧಿತ ಆರೋಪಿಗಳು. ಬಂಧಿತರಿಂದ 105.570 ಗ್ರಾಮ್‌ ಚಿನ್ನ, 90 ಸಾವಿರ ರೂ. ನಗದು, ಕಳ್ಳತನಕ್ಕೆ ಉಪಯೋಗಿಸುತ್ತಿದ್ದ ಹೋಂಡಾಶೈನ್‌ ಬೈಕ್‌ ಸೇರಿ 4.25 ಲಕ್ಷ ರೂ. ಮೌಲ್ಯದ ವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದರು.

ಸಿಂಧನೂರು ನಗರದಲ್ಲಿ ಕಳ್ಳತನ ಹೆಚ್ಚಿದ ಹಿನ್ನಲೆಯಲ್ಲಿ ಪತ್ತೆಗಾಗಿ ಸಿಪಿಐ ನಾಗರಾಜ ಕಮ್ಮಾರ, ಪಿಎಸ್‌ಐ ಮಂಜುನಾಥ ಎಸ್‌., ಸಿಬ್ಬಂದಿ ಮೆಹಬೂಬ್‌ ಅಲಿ, ಅನಿಲಕುಮಾರ, ರಾಘವೇಂದ್ರ, ಆದಯ್ಯ ನೇತೃತ್ವದಲ್ಲಿ ತಂಡ
ರಚಿಸಲಾಗಿತ್ತು. ಸೆ.28ರಂದು ಮಧ್ಯಾಹ್ನ 1 ಗಂಟೆ ವೇಳೆಗೆ ಬಸ್‌ ನಿಲ್ದಾಣದ ಹತ್ತಿರ ಸುಬ್ಬರಾವ್‌ ಎನ್ನುವವರ ಸ್ಕೂಟಿಯಲ್ಲಿಟ್ಟಿದ್ದ 1 ಲಕ್ಷ ರೂ. ನಗದು ಕಳ್ಳತನವಾಗಿತ್ತು. ಇದೇ ವೇಳೆ ಗಸ್ತಿನಲ್ಲಿದ್ದ ಪಿಎಸ್‌ಐ ಹಾಗೂ ಸಿಬ್ಬಂದಿ ಆದರ್ಶ ಕಾಲೋನಿಯಲ್ಲಿನ ಅಂಬಾಭವಾನಿ ಹತ್ತಿರ ಅನುಮಾನಾಸ್ಪದವಾಗಿ ಇಬ್ಬರನ್ನು ಬಂಧಿಸಿದ್ದರು. ವಿಚಾರಣೆ ವೇಳೆ ಸಂಕೇತ ಕಾಲೇಜು ಹತ್ತಿರದ ಶಂಕ್ರಯ್ಯ ಎನ್ನುವವರ ನಿವಾಸದಲ್ಲಿ ಜೂನ್‌ ತಿಂಗಳಲ್ಲಿ ನಡೆದ ಕಳ್ಳತನದಲ್ಲಿ ಪಾಲ್ಗೊಂಡಿದ್ದಾಗಿ ಆರೋಪಿಗಳು ಒಪ್ಪಿಕೊಂಡಿದ್ದಾರೆ ಎಂದು ಎಸ್ಪಿ ಕಿಶೋರಬಾಬು ವಿವರಿಸಿದರು. ಹೆಚ್ಚುವರಿ ಪೊಲೀಸ್‌
ವರಿಷ್ಠಾ ಧಿಕಾರಿ ಎಸ್‌.ಬಿ.ಪಾಟೀಲ, ಡಿವೈಎಸ್ಪಿ ಎಸ್‌.ಎಚ್‌.ಸುಬೇದಾರ, ಸಿಪಿಐ ನಾಗರಾಜ ಕಮ್ಮಾರ ಇತರರು ಇದ್ದರು.