ಖಾಲಿ ಹೃದಯದೊಂದಿಗೆ ಬಂದವರು ….

Team Udayavani, Oct 4, 2018, 4:56 PM IST

ರಾತ್ರಿ ಕಳೆದು ಬೆಳಗಾಗುವಷ್ಟರಲ್ಲೇ ಜೋರು ಸುದ್ದಿಯಾಗಿದ್ದ ನಟಿ ಪ್ರಿಯಾ ವಾರಿಯರ್‌ ಅವರನ್ನು ಗಾಂಧಿನಗರಕ್ಕೆ ಕರೆತಂದು, ಚಿತ್ರ ಮಾಡುವುದಾಗಿ ಹೇಳಿಕೊಂಡಿದ್ದ ನಟ ಯೋಗಿ, ಆಮೇಲೆ ಎಲ್ಲೂ ಸುದ್ದಿಯಾಗಿರಲೇ ಇಲ್ಲ. ಈಗ ಅದೇ ಯೋಗಿ ಮತ್ತೆ ಸುದ್ದಿಯಾಗಿದ್ದಾರೆ. ಆದರೆ, ಪ್ರಿಯಾ ವಾರಿಯರ್‌ ಅವರನ್ನು ಕರೆತರುವಲ್ಲಿ ಸಂಪೂರ್ಣ ವಿಫ‌ಲರಾಗಿದ್ದಾರೆಂಬುದು ಅಷ್ಟೇ ಸ್ಪಷ್ಟ. ಇಷ್ಟಕ್ಕೂ ಯೋಗಿ ಪುನಃ ಮಾಧ್ಯಮ ಮುಂದೆ ಬರಲು ಕಾರಣ, “ಹೃದಯ ಖಾಲಿ ಹಾಳೆ’ ಚಿತ್ರ. ಈ ಚಿತ್ರದ ಮೂಲಕ ಅವರು ನಾಯಕರಾಗುತ್ತಿದ್ದಾರೆ. ಇವರನ್ನು ಹೀರೋ ಮಾಡಲು ಹೊರಟಿರುವುದು ಲಕ್ಷ್ಮಣ್‌. ನಿರ್ದೇಶನದ ಜೊತೆಗೆ ನಿರ್ಮಾಣದ ಜವಾಬ್ದಾರಿಯೂ ಲಕ್ಷ್ಮಣ್‌ ವಹಿಸಿಕೊಂಡಿದ್ದಾರೆ.

ಲಕ್ಷ್ಮಣ್‌ ಅವರಿಗೇಕೆ ಯೋಗಿ ಇಷ್ಟವಾದರು ಎಂಬ ಪ್ರಶ್ನೆಗೆ, ಯೋಗಿ ಇತ್ತೀಚೆಗೆ ತಮಿಳು ಚಿತ್ರವೊಂದು ಮಾಡಲು ಅಣಿಯಾಗಿದ್ದರು. ಅಲ್ಲಿ, ಕನ್ನಡದ ನೆಲ, ಜಲ ಕುರಿತು ಮಾತನಾಡಿದ್ದರು. ಆದರೆ, ತಮಿಳು ಸಿನಿಮಾದವರು ಯೋಗಿಗೆ ಅಲ್ಲಿಂದ ಗೇಟ್‌ಪಾಸ್‌ ಕೊಟ್ಟಿದ್ದರು. ಅದನ್ನು ಗಮನಿಸಿದ ನಿರ್ದೇಶಕ ಲಕ್ಷ್ಮಣ್‌, ಯೋಗಿ ಕರೆದು ಅವಕಾಶ ಕೊಟ್ಟಿದ್ದಾರೆ. ನಿರ್ದೇಶಕ ಲಕ್ಷ್ಮಣ್‌ ಅವರಿಗೆ, ಒಂದು ಸಿನಿಮಾ ಮಾಡಬೇಕು. ಅದರಲ್ಲೂ ಯೋಗಿಗೊಂದು ಅವಕಾಶ ಕೊಡಬೇಕು ಅಂತ ಅನಿಸಿದ್ದು, ಕನ್ನಡದ ನಟನಿಗೆ ತಮಿಳು ಚಿತ್ರೋದ್ಯಮದಲ್ಲಿ ಅನ್ಯಾಯವಾಗಿದ್ದು ಮತ್ತು ಆ ನಟ ಕನ್ನಡದ ನೆಲ, ಜಲ ಪರವಾಗಿ ಮಾತನಾಡಿದ್ದಕ್ಕೆ ತಮಿಳು ಚಿತ್ರದಿಂದ ಅವರನ್ನು ಕೈ ಬಿಟ್ಟಿದ್ದನ್ನು ನೋಡಿ ಬೇಸರವಾಗಿ ನಿರ್ದೇಶಕರು ಯೋಗಿಗೆ ಈ ಅವಕಾಶ ಕೊಟ್ಟಿದ್ದಾರೆ.

ಅಂದಹಾಗೆ, ಶೀರ್ಷಿಕೆ ಹೇಳುವಂತೆ ಇದೊಂದು ಲವ್‌ಸ್ಟೋರಿ. ಹಾಗಂತ ಬರೀ ಲವ್‌ಸ್ಟೋರಿ ಇಲ್ಲ. ಗೆಳೆತನಕ್ಕೂ ಹೆಚ್ಚು ಜಾಗವಿದೆ. ಗೆಳೆತನ ಮತ್ತು ಪ್ರೀತಿ ಎರಡೂ ಇಲ್ಲಿದೆ. ಈ ಎರಡನ್ನು ತಪ್ಪಾಗಿ ಅರ್ಥೈಸಿಕೊಂಡರೆ ಏನೆಲ್ಲಾ ಆಗಿ ಹೋಗುತ್ತೆ ಎಂಬುದು ಕಥೆಯಂತೆ. ಇನ್ನು, ಈ ಚಿತ್ರಕ್ಕೆ ಅಭಿಲಾಷ್‌ ಎಂಬ ಮತ್ತೂಬ್ಬ ನಾಯಕ ಕೂಡ ನಟಿಸುತ್ತಿದ್ದಾರೆ. ಇವರಿಗೆ ಆರ್ಯನ್‌ ನಾಯಕಿ. ಈ ಚಿತ್ರಕ್ಕೆ ಸತ್ಯನಾರಾಯಣ್‌, ಎನ್‌. ಮಂಜುನಾಥ್‌, ವಿ. ರಾಜು ಮತ್ತು ಸುಬ್ರಮಣ್ಯ ನಿರ್ಮಾಪಕರಿಗೆ ಸಾಥ್‌ ಕೊಟ್ಟಿದ್ದಾರೆ.