ಖಾಸಗಿ ‘ನೋ ಪಾರ್ಕಿಂಗ್‌’ ಫಲಕ ತೆರವು

Team Udayavani, Oct 18, 2018, 10:39 AM IST

ಮಹಾನಗರ: ನಗರದಲ್ಲಿ ಅಂಗಡಿ ಮಳಿಗೆಗಳ ಎದುರು ಹಾಕಿದ್ದ ಖಾಸಗಿ ‘ನೋ ಪಾರ್ಕಿಂಗ್‌’ ಫಲಕಗಳನ್ನು ಟ್ರಾಫಿಕ್‌ ಪೊಲೀಸರು ತೆರವು ಮಾಡಿದರು. ನಗರದ ವಿವಿಧ ಭಾಗಗಳಲ್ಲಿ ಕಾರ್ಯಾಚರಣೆ ನಡೆಸಿ 55 ನೋ ಪಾರ್ಕಿಂಗ್‌ ಫಲಕಗಳನ್ನು ತೆರವುಗೊಳಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಇಂತಹ ನಾಮ ಫಲಕ ಇರಿಸಿದ್ದ ಅಂಗಡಿಗಳ ಮಾಲಕರಿಗೆ ನೋಟೀಸ್‌ ನೀಡಲಾಗಿದ್ದು, ಇಂತಹ ಘಟನೆ ಮರುಕಳಿಸ ಬಾರದು ಎಂಬ ಎಚ್ಚರಿಕೆಯನ್ನು ಕೊಡಲಾಗಿದೆ. ವ್ಯಾಪಾರ ಮಳಿಗೆಗಳ ಎದುರು ಖಾಸಗಿಯವರು ನೋ ಪಾರ್ಕಿಂಗ್‌ ನಾಮ ಫಲಕ ಇರಿಸುತ್ತಿರುವ ಬಗ್ಗೆ ಪೊಲೀಸ್‌ ಆಯುಕ್ತರು ನಡೆಸುವ ಫೂಲೀಸ್‌ ಫೋನ್‌ ಇನ್‌ ಕಾರ್ಯಕ್ರಮದಲ್ಲಿ ಹಲವಾರು ಬಾರಿ ದೂರುಗಳು ಬಂದಿದ್ದವು. ಈ ಹಿನ್ನೆಲೆ ಯಲ್ಲಿ ಬುಧವಾರ ಕಾರ್ಯಾಚರಣೆ ನಡೆಸಲಾಗಿದೆ.