ದುನಿಯಾ ವಿಜಿಗೆ ಮತ್ತೊಂದು ಸಂಕಷ್ಟ;ಮಗಳಿಂದಲೇ FIR ದಾಖಲು 

Team Udayavani, Oct 23, 2018, 11:18 AM IST

ಬೆಂಗಳೂರು: ನಟ ದುನಿಯಾ ವಿಜಯ್‌ ಅವರಿಗೆ ಇನ್ನೊಂದು ಸಂಕಷ್ಟ ಎದುರಾಗಿದ್ದು,ಪುತ್ರಿ ಮೋನಿಕಾ ಗಿರಿನಗರ ಠಾಣೆಯಲ್ಲಿ  ಹಲ್ಲೆ ಮಾಡಿ,ಅವಾಚ್ಯ ಶಬ್ಧಗಳಿಂದ ನಿಂದಿಸಿದ ವಿರುದ್ಧ ಎಫ್ಐಆರ್‌ ದಾಖಲು ಮಾಡಿದ್ದಾರೆ. 

ಮೊನೀಕಾ ನೀಡಿರುವ ದೂರಿನಂತೆ  ಅಕ್ಟೋಬರ್‌ 22 ರಂದು ಆಕೆ ಮನೆಗೆ ವೈಯಕ್ತಿಕ ದಾಖಲೆಗಳನ್ನು ತೆಗೆದುಕೊಳ್ಳಲು ಹೋದ ವೇಳೆ ವಿಜಯ್‌ ಪತ್ನಿ ಕೀರ್ತಿ ಅವರು ಅವಾಚ್ಯ ಶಬ್ಧಗಳಿಂದ ನಿಂದನೆ ಮಾಡಿದ್ದಾರೆ. ಬಳಿಕ ವಿಜಯ್‌ ಮಾರಕಾಸ್ತ್ರಗಳಿಂದ ಹಲ್ಲೆ  ನಡೆಸಿ, ಗೊಡೆಗೆ ತಲೆಯನ್ನು ಢಿಕ್ಕಿ ಹೊಡೆಸಿದ್ದರು ಎಂದು ದೂರಿನಲ್ಲಿ  ಹೇಳಿಕೊಂಡಿದ್ದಾರೆ. 

ಕಾರು ಚಾಲಕ ವೆ‌ುಹಮದ್‌, ವಿನೋದ್‌, ಹೇಮಂತ್‌ ಸೇರಿ ಒಟ್ಟು 5 ಮಂದಿಯ ವಿರುದ್ಧ ಮೋನಿಕಾ ದೂರು ನೀಡಿದ್ದಾರೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಆರಂಭಿಸಿದ್ದಾರೆ. 

ಮೋನಿಕಾ ಸದ್ಯ ನಗರದ ಖಾಸಗಿ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಅವರ ಬಲಗೈಗೆ ಗಾಯವಾಗಿದ್ದು ಚೇತರಿಸಿಕೊಳ್ಳುತ್ತಿದ್ದಾರೆ ಎಂದು ತಿಳಿದು ಬಂದಿದೆ.