ದೆಹಲಿ:ಬ್ರಿಡ್ಜ್‌ ಉದ್ಘಾಟನೆಯ ವೇಳೆ ಬಿಜೆಪಿ,ಆಪ್‌ ಕಾರ್ಯಕರ್ತರ ಘರ್ಷಣೆ

Team Udayavani, Nov 4, 2018, 5:34 PM IST

ಹೊಸದಿಲ್ಲಿ: ಸಿಗ್ನೆಚರ್‌ ಬ್ರಿಡ್ಜ್‌ ಉದ್ಘಾಟನೆಯ ವೇಳೆ ಆಮ್‌ ಆದ್ಮಿ ಕಾರ್ಯಕರ್ತರು ಮತ್ತು ಬಿಜೆಪಿ ಕಾರ್ಯಕರ್ತರ ನಡುವೆ ಘರ್ಷಣೆ ನಡೆದ ಘಟನೆ ಭಾನುವಾರ ನಡೆದಿದೆ.

ಬಿಜೆಪಿ ಸಂಸದ ಮನೋಜ್‌ ತಿವಾರಿ ಅವರು ನೂರಾರು ಬಿಜೆಪಿ ಕಾರ್ಯಕರ್ತರೊಂದಿಗೆ ಸ್ಥಳಕ್ಕೆ ಆಗಮಿಸಿದ್ದು ಈ ವೇಳೆ ಘಟನೆ ನಡೆದಿದೆ. ಆಪ್‌ ಕಾರ್ಯಕರ್ತರು ಮತ್ತು ಬಿಜೆಪಿ ಕಾರ್ಯಕರ್ತರ ನಡುವೆ ವಾಗ್ವಾದ ನಡೆದು ಘರ್ಷಣೆ ಸಂಭವಿಸಿದೆ. 

ನಾನು ಸಂಸದ, ಮುಖ್ಯಮಂತ್ರಿ ಅರವಿಂದ್‌ ಕೇಜ್ರಿವಾಲ್‌ ಅವರನ್ನು ಸ್ವಾಗತಿಸಲು ಆಗಮಿಸಿದ್ದೆ, ಆದರೆ ನನಗೆ ತಡೆ ಹಾಕಲಾಗಿದೆ, ನಾನೇನು ಕ್ರಿಮಿನಲ್ಲಾ ಎಂದು ಮನೋಜ್‌ ತಿವಾರಿ ಆಕ್ರೋಶ ಹೊರ ಹಾಕಿದ್ದಾರೆ.

ಈ ಬ್ರಿಡ್ಜ್ ಕಾಮಗಾರಿ ನಿಂತು  ಹೋಗಿತ್ತು, ಆದರೆ ನಾನು ಸಂಸದನಾಗಿ ಪುನರಾರಂಭಿಸಿದೆ. ಈಗ ಮುಖ್ಯಮಂತ್ರಿ ಕೇಜ್ರಿವಾಲ್‌ ಉದ್ಘಾಟಿಸುತ್ತಿದ್ದಾರೆ ಎಂದರು.