ರೆಡಿಯಾಗುತ್ತಿದೆ ‘ಜೈ ಮಾರುತಿ ಯುವಕ ಮಂಡಲ’ 

Team Udayavani, Nov 8, 2018, 12:12 PM IST

ಪ್ರಜ್ವಲ್‌ ಕುಮಾರ್‌ ಅತ್ತಾವರ ಹಾಗೂ ತಂಡದ ಕೋಸ್ಟಲ್‌ವುಡ್‌ನ‌ ಹೊಸ ಸಿನೆಮಾ ‘ಜೈ ಮಾರುತಿ ಯುವಕ ಮಂಡಲ’ ಈಗಾಗಲೇ ಶೇ.80ರಷ್ಟು ಚಿತ್ರೀಕರಣ ಪೂರ್ಣಗೊಳಿಸಿದ್ದು, ಕೊನೆಯ ಹಂತದ ಶೂಟಿಂಗ್‌ ಮಾತ್ರ ಬಾಕಿಇದೆ. ವಿಶೇಷವೆಂದರೆ ಸಿನೆಮಾ ಪೂರ್ಣಗೊಳ್ಳುವ ಮುನ್ನವೇ ಚಿತ್ರತಂಡ ಮೊದಲ ಹಂತದ ಟೀಸರ್‌ ಬಿಡುಗಡೆ ಮಾಡಿ ಸುದ್ದಿಯಲ್ಲಿದೆ.

ರಿಚರ್ಡ್‌ ಕಾರ್ಕಳ ನಿರ್ಮಾಣದ ಪ್ರಜ್ವಲ್‌ ಕುಮಾರ್‌ ಅತ್ತಾವರ ಅವರ ಜೈ ಮಾರುತಿ ಯುವಕ ಮಂಡಲ ಸಿನೆಮಾ ಸಸಿಹಿತ್ಲು ಪರಿಸರದಲ್ಲಿ ಶೂಟಿಂಗ್‌ ಕಂಡಿದೆ. ಸ್ವರಾಜ್‌ ಶೆಟ್ಟಿ, ಅನ್ವಯ ಶೆಟ್ಟಿ ಮುಖ್ಯ ಭೂಮಿಕೆಯ ಈ ಸಿನೆಮಾದಲ್ಲಿ ಅರವಿಂದ ಬೋಳಾರ್‌, ದೀಪಕ್‌ ರೈ ಪಾಣಾಜೆ, ಸುನೀಲ್‌ ನೆಲ್ಲಿಗುಡ್ಡೆ, ಜೆ.ಪಿ.ತೂಮಿನಾಡ್‌, ಮನೋಜ್‌ ಕಾರ್ಕಳ ಸೇರಿದಂತೆ ಪ್ರಬುದ್ಧ ಕಲಾವಿದರು ಅಭಿನಯಿಸಿದ್ದಾರೆ.

ಉದಯ್‌ ಬಳ್ಳಾಲ್‌ ಛಾಯಾಗ್ರಹಣ, ಕೊಳಲಗಿರಿ ಡಾಲ್ಫಿನ್‌ ಸಂಗೀತ ಕೀರ್ತನ್‌ ಭಂಡಾರಿ ಸಾಹಿತ್ಯ ಈ ಸಿನೆಮಾಕ್ಕಿದೆ. ಸಿನೆಮಾದ ಕಐಮ್ಯಾಕ್ಸ್‌ ಸೇರಿದಂತೆ ಕೊನೆಯ ಶೆಡ್ನೂಲ್‌ ಕೆಲವೇ ದಿನದಲ್ಲಿ ಶೂಟಿಂಗ್‌ ಕಾಣಲಿದೆ. ಜತೆಗೆ ಒಂದು ಹಾಡಿನ ಚಿತ್ರೀಕರಣ ಕೂಡ ನಡೆಯಲಿದೆ. ಆ ಬಳಿಕ ಸಿನೆಮಾದ ಆಡಿಯೋ ರಿಲೀಸ್‌ ಆಗಲಿದ್ದು, ಮುಂದಿನ ವರ್ಷ ಜೈ ಮಾರುತಿ ಯುವಕ ಮಂಡಲ ತೆರೆಗೆ ಬರಲಿದೆ ಎಂಬುದು ಚಿತ್ರತಂಡದ ಅಭಿಪ್ರಾಯ. 

ದಿನೇಶ್‌ ಇರಾ