ಶಾಲೆಯಲ್ಲಿ ಮಕ್ಕಳ ಅಣುಕು ಸಂಸತ್‌

Team Udayavani, Nov 18, 2018, 12:25 PM IST

ಕೆಂಗೇರಿ: ಕೆಂಗೇರಿಯ ದುಬಾಸಿಪಾಳ್ಯದ ಜ್ಞಾನಬೋಧಿನಿ ಪ್ರೌಡಶಾಲೆಯಲ್ಲಿ ಮಕ್ಕಳಿಂದ ಆಣುಕು ಪಾರ್ಲಿಮೆಂಟ್‌ ಪ್ರದರ್ಶನ ನಡೆಯಿತು. ಕಳೆದ 33 ವರ್ಷಗಳಿಂದ ಶಾಲೆಯಲ್ಲಿ ಅಣಕು ಸಂಸತ್‌ ನಡೆಸಿಕೊಂಡು ಬರಲಾಗುತ್ತಿದೆ.

ಪ್ರತಿ ವರ್ಷ ಜೂನ್‌ 2ನೇ ವಾರದಲ್ಲಿ ಶಾಲೆಯ ಮಂತ್ರಿ ಮಂಡಲ ರಚಿಸಲಾಗುತ್ತದೆ. ಮಳೆಗಾಲದ ಅಧಿವೇಶನ ಆಗಸ್ಟ್‌ನಲ್ಲಿ, ಚಳಿಗಾಲದ ಅಧಿವೇಶನ ನವೆಂಬರ್‌ನಲ್ಲಿ ಹಾಗೂ ಬೇಸಿಗೆ ಅಧಿವೇಶನ ಪೆಬ್ರವರಿಯಲ್ಲಿ ನಡೆಯುತ್ತದೆ ಎಂದು ಶಾಲೆಯ ಮುಖ್ಯ ಶಿಕ್ಷಕಿ ಜಸಿಂತ ಪರೇರಾ ಮಾಹಿತಿ ನೀಡಿದರು.

ಶಾಲೆ ಮಕ್ಕಳನ್ನು ಅಡಳಿತ ಪಕ್ಷ ಹಾಗೂ ವಿರೋಧ ಪಕ್ಷಗಳೆಂದು ಎರಡು ಗುಂಪುಗಳಲ್ಲಿ ವಿಂಗಡಿಸಿ, ಒಬ್ಬು ಸಭಾಧ್ಯಕ್ಷರನ್ನು ನೇಮಿಸಲಾಗುತ್ತದೆ. ಪ್ರತಿ ಅಣಕು ಸಂಸತ್‌ ಅಧಿವೇಶನದಲ್ಲಿ ಒಬ್ಬ ಅತಿಥಿಗಳು ಪಾಲ್ಗೊಂಡು ವಾದ ವಿವಾದ ಆಲಿಸುತ್ತಾರೆ. ಮಕ್ಕಳನ್ನು ಪ್ರೋತ್ಸಾಹಿಸಲು ಬಹುಮಾನ ನೀಡಲಾಗುತ್ತದೆ ಎಂದು ಶಿಕ್ಷಕ ಚೌರಿರಾಜ್‌ ತಿಳಿಸಿದರು.