ಟ್ಯೂಶನ್‌ ಶಿಕ್ಷಕನಿಂದ ಬಾಲಕನ ಮೇಲೆ ದೌರ್ಜನ್ಯ: ವಿಡಿಯೋ ವೈರಲ್‌

Team Udayavani, Nov 19, 2018, 11:48 AM IST

ಅಲೀಗಢ : ಏಳು ವರ್ಷದ ಬಾಲಕಿನಿಗೆ ಎಲ್ಲ ವಿಷಯಗಳಲ್ಲಿ ಟ್ಯೂಶನ್‌ ದೊರಕಿಸಲು ನೇಮಿಸಲ್ಪಟ್ಟಿದ್ದ ಶಿಕ್ಷಕನು ಬಾಲಕನಿಗೆ ಅತ್ಯಮಾನುಷವಾಗಿ ಬೂಟು ಮತ್ತು ಇತರ ವಸ್ತುಗಳಿಂದ ಹೊಡೆದು ಶಿಕ್ಷಿಸುವ ಮತ್ತು ಬಾಲಕನು ಅಪಾರ ನೋವಿನಿಂದ ಚೀರುತ್ತಿರುವ ದೃಶ್ಯ ಸಿಸಿಟಿವಿ ಯಲ್ಲಿ ಸೆರೆಯಾಗಿದ್ದು ಅದೀಗ ಸಾಮಾಜಿಕ ಜಾಲ ತಾಣಗಳಲ್ಲಿ ವೈರಲ್‌ ಆಗಿದೆ.

ಬಾಲಕನು ತಂದೆಯು ತನ್ನ ವರ್ಕ್‌ ಶಾಪ್‌ನಲ್ಲಿ ಕೆಟ್ಟು ಹೋಗಿದ್ದ ಸಿಸಿಟಿವಿ ಕ್ಯಾಮೆರಾವನ್ನು ಸರಿಪಡಿಸಿ ಮನೆಯಲ್ಲಿನ ಟ್ಯೂಶನ್‌ ಕೋಣೆಯಲ್ಲಿ ಪರೀಕ್ಷಾರ್ಥವಾಗಿ ಇರಿಸಿದ್ದರು. ಆ ದಿನವೇ ಅವರ ಪುತ್ರನಿಗೆ ಟ್ಯೂಶನ್‌ ಶಿಕ್ಷಕ ಪಾಠದ ವೇಳೆ ಅತ್ಯಮಾನುಷವಾಗಿ ಹೊಡೆದು ಹಿಂಸಿಸುವ ಸುಮಾರು 6 ನಿಮಿಷಗಳ ದೃಶ್ಯಾವಳಿ ಸಿಸಿಟಿವಿಯಲ್ಲಿ ಸೆರೆಯಾಗಿತ್ತು. 

ಟ್ಯೂಶನ್‌ ಶಿಕ್ಷಕನು ತನ್ನಪುತ್ರನ ಮೇಲೆ ಎಸಗಿದ ಅತ್ಯಮಾನುಷ ದೌರ್ಜನ್ಯವನ್ನು ಈ ವಿಡಿಯೋ ದಲ್ಲಿ ಕಂಡು ಹೌಹಾರಿದ ಬಾಲಕನ ತಂದೆ ಒಡನೆಯೇ ಪೊಲೀಸರಿಗೆ ದೂರು ನೀಡಿದ್ದಾರೆ. ಈ ನಡುವೆ ಟ್ಯೂಶನ್‌ ಶಿಕ್ಷಕನು ತಲೆ ಮರೆಸಿಕೊಂಡಿದ್ದು ಆತನಿಗಾಗಿ ಪೊಲೀಸರು ಶೋಧಿಸುತ್ತಿದ್ದಾರೆ.