ಅಯೋಧ್ಯೆಗೆ ಶಿವನೇರಿ ಮಣ್ಣು 

Team Udayavani, Nov 23, 2018, 6:00 AM IST

ಪುಣೆ: ಮರಾಠಾ ರಾಜ ಛತ್ರಪತಿ ಶಿವಾಜಿ ಜನ್ಮಸ್ಥಳ ಶಿವನೇರಿ ಕೋಟೆಗೆ ಗುರುವಾರ ಭೇಟಿ ನೀಡಿದ ಶಿವಸೇನೆ ಮುಖ್ಯಸ್ಥ ಉದ್ಧವ್‌ ಠಾಕ್ರೆ, ಅಲ್ಲಿನ ಮಣ್ಣನ್ನು ಸಂಗ್ರಹಿಸಿಕೊಂಡಿದ್ದು, ಇದೇ 25ರಂದು ಅಯೋಧ್ಯೆಗೆ ತೆರಳುವಾಗ ಅದನ್ನು ಕೊಂಡೊಯ್ಯುವುದಾಗಿ ಹೇಳಿದ್ದಾರೆ.

ಪುಣೆ ಜಿಲ್ಲೆಯ ಜುನ್ನಾರ್‌ ತೆಹ್ಸಿಲ್‌ನಲ್ಲಿ ಶಿವ ನೇರಿ ಕೋಟೆ ಇದೆ. ಇತ್ತೀಚೆಗೆ ಶಿವ ಸೇನೆಯ ವಿಜಯದಶಮಿ ರ್ಯಾಲಿಯಲ್ಲಿ ಮಾತನಾಡಿದ್ದ ಠಾಕ್ರೆ, 25ರಂದು ಅಯೋಧ್ಯೆ ಭೇಟಿ ನೀಡುವುದಾಗಿ ಮಾಹಿತಿ ನೀಡಿದ್ದರು. ಅಲ್ಲದೇ, ರಾಮಮಂದಿರ ನಿರ್ಮಿಸುವ ಕುರಿತು ಪ್ರಧಾನಿ ಮೋದಿಗೆ ಪ್ರಶ್ನೆಯೆತ್ತುವು ದಾಗಿಯೂ ಹೇಳಿರುವ ಅವರು, “ಮೊದಲು ರಾಮಮಂದಿರ, ಬಳಿಕ ಸರಕಾರ’ ಎಂಬ ಉದ್ಘೋಷದ ಮೂಲಕ ಮಂದಿರ ನಿರ್ಮಾಣ ಚಳವಳಿ ತೀವ್ರಗೊಳಿಸುವುದಾಗಿ ನುಡಿದಿ ದ್ದರು. ಅದರಂತೆ, ಗುರುವಾರ ಶಿವನೇರಿಗೆ ತೆರಳಿ ಅಲ್ಲಿನ ಮಣ್ಣನ್ನು ಸಂಗ್ರಹಿಸಿ ಇಟ್ಟು ಕೊಂಡಿದ್ದಾರೆ. 25ರಂದು ಅಯೋಧ್ಯೆಯಲ್ಲಿ ಶಿವಸೇನೆಯ ಸಮ್ಮೇಳನ ನಡೆಯಲಿದೆ.

ಸಂಪುಟದಿಂದ ಕೈಬಿಡಿ: ಅಯೋಧ್ಯೆ ಪ್ರಕ ರಣಕ್ಕೆ ಸಂಬಂಧಿಸಿ ವಿವಾದಾತ್ಮಕ ಹೇಳಿಕೆ ನೀಡಿದ್ದ ಉತ್ತರಪ್ರದೇಶ ಸಚಿವ, ಎಸ್‌ಬಿಎಸ್‌ಪಿ ಮುಖ್ಯಸ್ಥ ಓಂ ಪ್ರಕಾಶ್‌ ರಾಜ್‌ಭರ್‌ ಅವರನ್ನು ಸಂಪುಟದಿಂದಲೇ ಕೈ ಬಿಡು ವಂತೆ ವಿಶ್ವ ಹಿಂದೂ ಪರಿಷತ್‌ ಸಿಎಂ ಯೋಗಿ ಸರಕಾರಕ್ಕೆ ಒತ್ತಾಯಿಸಿದೆ.