ಪ್ರೇಕ್ಷಕರ ಮನಸೂರೆಗೊಂಡ ಸಂಗೀತ ದರ್ಬಾರ್‌ ಕಾರ್ಯಕ್ರಮ

Team Udayavani, Nov 27, 2018, 11:55 AM IST

ಹುಮನಾಬಾದ: ಹಳ್ಳಿಖೇಡ(ಬಿ) ಪಟ್ಟಣದ ಸೀಮಿನಾಗನಾಥ ಜಾತ್ರೆ ಅಂಗವಾಗಿ ಸೋಮವಾರ ನಡೆದ ಸಂಗೀತ ಸರ್ಬಾರ ನೆರೆದ ಪ್ರೇಕ್ಷಕರ ಮನಸೂರೆಗೊಳ್ಳುವಲ್ಲಿ ಯಶಸ್ವಿಯಾಯಿತು. ಹಳ್ಳಿಖೇಡ(ಬಿ) ನಿವಾಸಿ ಖ್ಯಾತ ಗಾಯಕ ಗುರುಲಿಂಗಯ್ಯ ಹಾಲಾ, ಗಣಪತರಾವ್‌ ಪಂಚಾಳ, ಕಂದಗೂಳ್‌ ಗ್ರಾಮದ ಸಂಜೀವಕುಮಾರ, ಮಾಸಿಮಾಡದ ಪ್ರಕಾಶ ಸ್ವಾಮಿ, ಗೋಟೂರಿನ ರವಿಸ್ವಾಮಿ, ಬೀದರ್‌ ಪ್ರವೀಣಕುಮಾರ ಪ್ರಸ್ತುತ ಪಡಿಸಿದ ಭಕ್ತಿ, ಭಾವ ಹಾಗೂ ಜಾನಪದ ಗೀತೆಗಳು ನೆರೆದ ಸಂಗೀತ ಕಲಾಸಕ್ತರ ಮನಸೂರೆಗೊಂಡವು.

ಬಳಿಕ ನಡೆದ ರಸ ಮಂಜರಿಯಲ್ಲಿ ರಾಹುಲ್‌ ಟುಟಾರೆ, ಸುವರ್ಣಾ ಮಹಾಗಂವ್‌, ಮರಕುಂದಾ ಗ್ರಾಮದ ಅಪ್ಸರಖಾನ್‌,  ಹುಮನಾಬಾದ್‌ ಗಾಯಕ ಹಾಗೂ ಹಾಸ್ಯ ಕಲಾವಿದ ರೇವಣಸಿದ್ದಯ್ಯಸ್ವಾಮಿ ಜೇರಪೇಟಕರ್‌ ಅವರ ಗಾಯನ
ಮನಸೂರೆಗೊಂಡವು. ಜೊತೆಗೆ ಹಾಸ್ಯ ಪ್ರದರ್ಶನ ನೆರದ ಪ್ರೇಕ್ಷಕರ ಹೊಟ್ಟೆ ಹುಣ್ಣಾಗಿಸಿತು. ದೇವಸ್ಥಾನ ಪ್ರಧಾನ ಅರ್ಚಕ ಡಾ| ಅಶೋಕಸ್ವಾಮಿ ಬಿ.ಹಾಲಾ ಮೊದಲಾದ ಗಣ್ಯರು ಇದ್ದರು.