ನೂರರ ಸಂಭ್ರಮದಲ್ಲಿ ಸರ್ಕಾರಿ ಶಾಲೆ

Team Udayavani, Nov 28, 2018, 11:24 AM IST

ರಿಷಭ್‌ ಶೆಟ್ಟಿ ನಿರ್ಮಿಸಿ, ನಿರ್ದೇಶಿಸಿರುವ “ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಾಸರಗೋಡು-ಕೊಡುಗೆ ರಾಮಣ್ಣ ರೈ’ ಚಿತ್ರಕ್ಕೆ ಈಗ ಶತಕ ಸಂಭ್ರಮ. ಚಿತ್ರ ಈ ವಾರ ನೂರು ದಿನ ಪೂರೈಸುವ ಮೂಲಕ ಚಿತ್ರತಂಡ ಖುಷಿಗೆ ಕಾರಣವಾಗಿದೆ. ಸುಮಾರು 40 ರಿಂದ 50 ಕೇಂದ್ರಗಳಲ್ಲಿ ಚಿತ್ರ ಶತದಿನ ಪೂರೈಸುತ್ತಿದೆ. ನಿರ್ದೇಶಕರ ರಿಷಭ್‌, ಕಾಸರಗೋಡನ್ನು ಹಿನ್ನೆಲೆಯಾಗಿಟ್ಟಯಕೊಂಡು ಸರ್ಕಾರಿ ಶಾಲೆಗಳು ಎದುರಿಸುತ್ತಿರುವ ಸಮಸ್ಯೆಗಳನ್ನು ಈ ಚಿತ್ರದಲ್ಲಿ ಹೇಳಿದ್ದರು.

ಹಾಸ್ಯದ ಹಿನ್ನೆಲೆಯಲ್ಲಿ ಸಾಗುವ ಚಿತ್ರದಲ್ಲಿ ಕನ್ನಡ, ಸರ್ಕಾರಿ ಶಾಲೆಯ ಸಮಸ್ಯೆಗಳನ್ನು ಮನಮುಟ್ಟುವಂತೆ ರಿಷಭ್‌ ಕಟ್ಟಿಕೊಟ್ಟಿದ್ದರು. ಚಿತ್ರದಲ್ಲಿ ಅನಂತ್‌ನಾಗ್‌ ಪ್ರಮುಖ ಪಾತ್ರ ಮಾಡಿದ್ದು, ಚಿತ್ರದ ಹಾಡುಗಳು ದೊಡ್ಡ ಮಟ್ಟದಲ್ಲಿ ಹಿಟ್‌ ಆಗಿದ್ದವು. ಹೀಗೆ ನಾನಾ ಕಾರಣಗಳಿಂದ ಈ ಚಿತ್ರ ಮೆಚ್ಚುಗೆ ಗಳಿಸುವ ಜೊತೆಗೆ ಕಲೆಕ್ಷನ್‌ನಲ್ಲೂ ಸದ್ದು ಮಾಡಿತ್ತು. ಈಗ ಚಿತ್ರ ಶತದಿನ ಆಚರಿಸಿಕೊಳ್ಳುತ್ತಿದೆ.