ಬುದ್ಧಿಮಾಂದ್ಯೆಯ ಮೇಲೆ ಅತ್ಯಾಚಾರ: ಇಬ್ಬರಿಗೆ 20 ವರ್ಷ ಜೈಲು

Team Udayavani, Nov 28, 2018, 11:46 AM IST

ಹಿಸಾರ್‌, ಹರಿಯಾಣ : ಕಳೆದ ವರ್ಷ ಜಿಲ್ಲೆಯ ನರನೋಂದ್‌ ಗ್ರಾಮದಲ್ಲಿ  ಹದಿನೇಳು ವರ್ಷ ಪ್ರಾಯದ ಬುದ್ಧಿಮಾಂದ್ಯ ಬಾಲಕಿಯ ಮೇಲೆ  ಅತ್ಯಾಚಾರ ಎಸಗಿದ ಅಪರಾಧಕ್ಕಾಗಿ ಹಿಸಾರ್‌ ನ್ಯಾಯಾಲಯ ಇಬ್ಬರಿಗೆ 20 ವರ್ಷಗಳ ಜೈಲು ಶಿಕ್ಷೆ  ಮತ್ತು ತಲಾ 53,000 ರೂ. ದಂಡ ವಿಧಿಸಿದೆ.

ಹಿಸಾರ್‌ನ ರಾಖೀ ಗ್ರಾಮದ ನಿವಾಸಿಗಳಾಗಿರುವ ಅಪರಾಧಿಗಳಾಗಿರುವ ಸಂಜಯ್‌ (21) ಮತ್ತು ಸುಭಾಷ್‌ (34) ದಂಡ ತೆರಲು ವಿಫ‌ಲರಾದಲ್ಲಿ ಇನ್ನೂ ಎರಡು ತಿಂಗಳ ಜೈಲು ಶಿಕ್ಷೆಯನ್ನು ಅನುಭವಿಸಬೇಕೆಂದು ಹೆಚ್ಚುವರಿ ಜಿಲ್ಲಾ ಮತ್ತು ಸೆಶನ್ಸ್‌ ನ್ಯಾಯಾಧೀಶ ಪಂಕಜ್‌ ತೀರ್ಪು ನೀಡಿದರು. 

ತನ್ನ ಮನೆಯಲ್ಲಿ ಸಂತ್ರಸ್ತ ಬಾಲಕಿಯು ಒಬ್ಬಳೇ ಇದ್ದ ವೇಳೆ ಅಪರಾಧಿ ಕಾಮಾಂಧರಿಬ್ಬರು ಆಕೆಯ ಮೇಲೆ ಸರದಿಯಲ್ಲಿ ಅತ್ಯಾಚಾರ ನಡೆಸಿದರು ಎಂದು ಪ್ರಾಸಿಕ್ಯೂಶನ್‌ ಕೇಸ್‌ ಮಂಡಿಸಿತ್ತು.