ಫಿಫಾ ಅಧ್ಯಕ್ಷರಿಂದ ಮೋದಿಗೆ ವಿಶೇಷ ಉಡುಗೊರೆ

Team Udayavani, Dec 3, 2018, 6:35 AM IST

ಬ್ಯೂನಸ್‌ ಐರಿಸ್‌ (ಆರ್ಜೆಂಟೀನಾ): ಜಿ-20 ಶೃಂಗಸಭೆಗಾಗಿ ಅರ್ಜೆಂಟೀನಾಕ್ಕೆ ಆಗಮಿಸಿದ ಭಾರತದ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ವಿಶ್ವ ಪುಟ್‌ಬಾಲ್‌ ಆಡಳಿತ ಮಂಡಳಿ ಅಧ್ಯಕ್ಷ ಗಿಯಾನಿ ಇನಾ#ಂಟಿನೊ ವಿಶೇಷ ಉಡುಗೊರೆಯೊಂದನ್ನು ನೀಡಿದ್ದಾರೆ. ಇದೇನು ಗೊತ್ತೇ?  ಮೋದಿ ಹೆಸರುಳ್ಳ ಫ‌ುಟ್‌ಬಾಲ್‌ ಜೆರ್ಸಿ!

“ಫ‌ುಟ್‌ಬಾಲ್‌ ಬಗ್ಗೆ ಯೋಚಿಸದೆ ಆರ್ಜೆಂಟೀನಾ ಪ್ರವಾಸ ಅಸಾಧ್ಯ. ಭಾರತದಲ್ಲಿ ಆರ್ಜೆಂಟೀನಾದ ಫ‌ುಟ್ಬಾಲಿಗರು ಭಾರೀ ಜನಪ್ರಿಯತೆ ಪಡೆದಿದ್ದಾರೆ. ಫಿಫಾ ಅಧ್ಯಕ್ಷ ಗಿಯಾನಿ ಇನಾ#ಂಟಿನೊ ಅವರಿಂದ ವಿಶೇಷ ಪುಟ್‌ಬಾಲ್‌ ಜೆರ್ಸಿಯೊಂದನ್ನು ಸ್ವೀಕರಿಸಿದ್ದೇನೆ. ಅವರ ಈ ಸನ್ನಡತೆಗೆ ಧನ್ಯವಾದಗಳು’ ಎಂದು ಪ್ರಧಾನಿ ಮೋದಿ ಟ್ವಿಟರ್‌ನಲ್ಲಿ ತಿಳಿಸಿದ್ದಾರೆ.

ಗುರುವಾರ “ಯೋಗ ಫಾರ್‌ ಪೀಸ್‌’ ಕುರಿತಾದ ಸಭೆಯಲ್ಲಿ ನರೇಂದ್ರ ಮೋದಿ ಅವರು ಫ‌ುಟ್‌ಬಾಲ್‌ ಮೂಲಕ ಭಾರತ-ಆರ್ಜೆಂಟೀನಾ ನಿಕಟ ಸಂಪರ್ಕ ಸಾಧಿಸಿದೆ ಎಂದಿದ್ದರು. “ಭಾರತದ ತತ್ವಶಾಸ್ತ್ರ, ಕಲೆ, ಸಂಗೀತ ಹಾಗೂ ನೃತ್ಯಗಳಲ್ಲಿ ಆರ್ಜೆಂಟೀನಾಕ್ಕೆ ಹೇಗೆ ಆಸಕ್ತಿ ಇದೆಯೋ ಹಾಗೆಯೇ ಆರ್ಜೆಂಟೀನಾ ಫ‌ುಟ್‌ಬಾಲ್‌ ತಾರೆಗಳಿಗೆ ಭಾರತದಲ್ಲಿ ಭಾರೀ ಸಂಖ್ಯೆಯ ಅಭಿಮಾನಿಗಳಿದ್ದಾರೆ. ಮರಡೋನ ಅವರ ಹೆಸರು ಮನೆಮಾತಾಗಿದೆ’ ಎಂದು ಮೋದಿ ಹೇಳಿದ್ದರು.