ಪಂಚರಾಜ್ಯ ಫ‌ಲಿತಾಂಶ; ಮಾಧ್ಯಮಗಳ ಪ್ರಶ್ನೆಗೆ ಉತ್ತರಿಸಲಿಲ್ಲ ಪ್ರಧಾನಿ 

Team Udayavani, Dec 11, 2018, 11:12 AM IST

ಹೊಸದಿಲ್ಲಿ: ಜನಪ್ರತಿನಿಧಿಗಳು ಸದನನ ಸಮಯವನ್ನು ಜನಹಿತಕ್ಕಾಗಿ ಬಳಸಬೇಕೇ ಹೊರತು ವೈಯಕ್ತಿಕವಾಗಿ, ಇಲ್ಲ ಪಕ್ಷಕ್ಕಾಗಿ ಬಳಸಿಕೊಳ್ಳಬಾರದು ಎಂದು ಪ್ರಧಾನಿ ನರೇಂದ್ರ ಮೋದಿ ಅವರು ಚಳಿಗಾಲದ ಅಧಿವೇಶನಕ್ಕೂ ಮುನ್ನ ಸಂಸದರಿಗೆ ಸಲಹೆ ನೀಡಿದ್ದಾರೆ. 

#WATCH Prime Minister Narendra Modi’s statement ahead of #WinterSession of Parliament pic.twitter.com/FvRWTxzvU0

— ANI (@ANI) December 11, 2018

ಅಧಿವೇಶನ ಆರಂಭಕ್ಕೂ ಮುನ್ನ ಸಂಸತ್‌ನ ಹೊರಗೆ ಅವರು ಸುದ್ದಿಗಾರರನ್ನುದ್ದೇಶಿಸಿ ಮಾತನಾಡಿದರು. ಮಹತ್ವಪೂರ್ಣ ಅಧಿವೇಶನಲ್ಲಿ ಸಂಸತ್‌ನ ಸಮಯ ಜನಹಿತಕ್ಕಾಗಿ, ದೇಶಹಿತಕ್ಕಾಗಿ ಬಳಕೆಯಾಗಬೇಕು. ನಾವು ಎಲ್ಲಾ ವಿಚಾರಗಳ ಕುರಿತು ಮುಕ್ತ ಚರ್ಚೆ ನಡೆಸಬೇಕು. ವಾದ,ವಿವಾದ , ಸಂವಾದ ಆಗಲೇಬೇಕು. ಈ ಸದನ ನಿಗದಿತ ಸಮಯಕ್ಕಿಂದ ಹೆಚ್ಚು ಕಾಲ ನಡೆಯಬೇಕು ಎಂದು ನಮ್ಮ ಆಶಯ ಎಂದರು.

ಕಲಾಪದಲ್ಲಿ ಸಾರ್ಥಕ ಕಾರ್ಯಗಳು ಆಗಬೇಕು. ಎಲ್ಲಾ ರಾಜಕೀಯ ಪಕ್ಷಗಳು ಈ ನಿಟ್ಟಿನಲ್ಲಿ ಕೆಲಸ ನಿರ್ವಹಿಸುವ ವಿಶ್ವಾಸವಿದೆ ಎಂದರು.

ಚುನಾವಣಾ ಫ‌ಲಿತಾಂಶದ ಕುರಿತು ಪ್ರತಿಕ್ರಿಯೆ ಇಲ್ಲ
ಮಾಧ್ಯಮ ಪ್ರತಿನಿಧಿಗಳು ಪಂಚರಾಜ್ಯ ಚುನಾವಣೆಯ ಫ‌ಲಿತಾಂಶದ ಕುರಿತು ಪ್ರತಿಕ್ರಿಯಿಸಿದಾಗ ಯಾವುದೇ ಪ್ರತಿಕ್ರಿಯೆ ನೀಡದೆ ಪ್ರಧಾನಿ ಮುಂದುವರಿದರು.