ಕಾಡಲ್ಲಿ ಸತೀಶ್ ಸುತ್ತಾಟ

Team Udayavani, Dec 12, 2018, 4:59 PM IST

ಸ್ಯಾಂಡಲ್​ವುಡ್​ ನಟರು ಇತ್ತೀಚೆಗೆ ಪರಭಾಷೆಗಳಲ್ಲಿ ಕಾಣಿಸಿಕೊಳ್ಳುತ್ತಿರುವುದು ನಿಜಕ್ಕೂ ಖುಷಿಯ ವಿಚಾರ. “ಅಯೋಗ್ಯ’ ಸಿನಿಮಾದ ಸಕ್ಸಸ್​ ನಂತರ, ನೀನಾಸಂ ಸತೀಶ್ ಕಾಲಿವುಡ್‍ಗೆ ಎಂಟ್ರಿ ಕೊಟ್ಟಿದ್ದು, “ಪಗೈವುನುಕು ಅರುಳ್​​​ವೈ’ ಚಿತ್ರದಲ್ಲಿ ನಾಯಕನಾಗಿ ನಟಿಸುತ್ತಿದ್ದು, ಅದೃಷ್ಟ ಪರೀಕ್ಷೆಗಿಳಿದಿದ್ದಾರೆ. ಸದ್ಯ ಇದೇ ಖುಷಿಯಲ್ಲಿರೋ ಸತೀಶ್​​ ನೀನಾಸಂ ಟ್ರಕ್ಕಿಂಗ್​​ ಅಂತ ಕಾಡು ಸುತ್ತುತ್ತಿದ್ದಾರೆ.

ಹೌದು, ಸತೀಶ್​​​​ ಸಿನಿಮಾ ಚಿತ್ರೀಕರಣಕ್ಕಾಗಿ ಕಾಡಿಗೆ ಹೋದರೋ ಅಥವಾ ಕಾಲಹರಣಕ್ಕಾಗಿ ಕಾಡಿಗೆ ಕಾಲಿಟ್ಟರೋ ಗೊತ್ತಿಲ್ಲ.! ಆದರೆ ಕಾಡಿನ ಹಚ್ಚ ಹಸಿರಿನ ತಂಪಾದ ವಾತಾವರಣದಲ್ಲಿ ನಿಂತು, “ಕಾಡಿನ ರಾಜ ಅಂದಾಗಲೆಲ್ಲ ಟೈಗರ್​​ ನೆನಪಾಗೋದಿಲ್ಲ, ಬದಲಿಗೆ ಟೈಗರ್​​ ಪ್ರಭಾಕರ್​​ ನೆನಪಾಗುತ್ತಾರೆ’ ಎಂದು ತಮ್ಮ ಟ್ಟಿಟ್ಟರ್ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.

ಕಾಡಿನ ರಾಜ ಅಂದಾಗೆಲ್ಲ ಟೈಗರ್ ನೆನಪಾಗಲ್ಲ ಜಾಸ್ತಿ ನೆನಪಾಗೋದು ಟೈಗರ್ ಪ್ರಭಾಕರ್… pic.twitter.com/5bBTJC2sKi

— Sathish Ninasam (@SathishNinasam) December 10, 2018

ಅಲ್ಲದೇ ಈ ಟ್ವೀಟ್‍ಗೆ ಸತೀಶ್​​ ಅಭಿಮಾನಿಗಳು ತರಹೇವಾರಿ ಕಮೆಂಟ್‍ಗಳನ್ನು ಮಾಡಿದ್ದಾರೆ. ಇನ್ನು ನೀನಾಸಂ ಸತೀಶ್‌ ಕೆರಿಯರ್‌ಗೆ ತುಂಬಾ ದಿನಗಳ ನಂತರ ದೊಡ್ಡದೊಂದು ತಿರುವು ಕೊಟ್ಟ ಸಿನಿಮಾ “ಅಯೋಗ್ಯ’. ಈ ಸಿನಿಮಾ ಬಾಕ್ಸ್ ಆಫೀಸ್‍ನಲ್ಲಿ ಸಖತ್ ಸದ್ದು ಮಾಡಿದ್ದಲ್ಲದೇ, ಶತದಿನೋತ್ಸವವನ್ನೂ ಆಚರಿಸಿತ್ತು.