ಅಪರಾಧ ತಡೆ ಮಾಸಾಚರಣೆ

Team Udayavani, Dec 13, 2018, 4:15 PM IST

ಬೇಲೂರು: ಅಪರಾಧ ಮಾಸಚರಣೆಯ ಅಂಗವಾಗಿ ಬುಧವಾರ ಪಟ್ಟಣದ ಬಸವೇಶ್ವರ ವೃತ್ತದಲ್ಲಿ ಆಟೋಚಾಲಕರಿಗೆ ಅಪರಾಧ ತಡೆ ಮಾಸಾಚರಣೆ ಬಗ್ಗೆ
ಅರಿವು ಮೂಡಿಸುವ ಕಾರ್ಯಕ್ರಮಕ್ಕೆ ಪಿಎಸ್‌ಐ ಜಗದೀಶ್‌ ಚಾಲನೆ ನೀಡಿದರು. ನಂತರ ಮಾತನಾಡಿದ ಅವರು, ಬೇಲೂರು ಪ್ರವಾಸಿ ಕೇಂದ್ರವಾಗಿದ್ದು ಪ್ರತಿನಿತ್ಯ ಸಾವಿರಾರು ಪ್ರವಾಸಿಗರು ಬರುವುದರಿಂದ ಆಟೋ ಚಾಲಕರು ಅವರ ಜೊತೆ ಉತ್ತಮ ರೀತಿಯಲ್ಲಿ ನಡೆದುಕೊಳ್ಳಬೇಕು ಅದೇರೀತಿಯಾಗಿ ಸಣ್ಣಪುಟ್ಟ ಅಪರಾಧಗಳು ನಡೆಯದ ಹಾಗೆ ನೋಡಿಕೊಳ್ಳುವುದರ ಜೋತೆಯಲ್ಲಿ ಅಪರಿಚತರ ಬಗ್ಗೆ ಮಾಹಿತಿ ಸಿಕ್ಕಿದ ತಕ್ಷಣ ಪೋಲೀಸರಿಗೆ ಮಾತಿಯನ್ನು ನೀಡಬೇಕು ಎಂದರು. ರಾತ್ರಿ ಸಮಯ ಆಟೊ ಚಾಲಕರು ತಮ್ಮ ಕೆಲಸವನ್ನು ನಿರ್ವಹಿಸುವಾಗ ಬೀದಿಗಳಲ್ಲಿ ಅಪರಿಚಿತರನ್ನು ಕಂಡ ತಕ್ಷಣ ಅವರ ಬಗ್ಗೆ ಮಾಹಿತಿಯನ್ನು ಪಡೆಯಬೇಕು ಎಂದರು.

ಸಾರ್ವಜನಿಕರು ಪೋಲೀಸರೊಂದಿಗೆ ಉತ್ತಮವಾಗಿ ಸೌಹಾರ್ದತವಾಗಿ ವರ್ತಿಸುವಂತ ಕೆಲಸ ಮಾಡಬೇಕು, ಹೊರಗಡೆಯಿಂದ ಕೂಲಿ ಅರೆಸಿ ಬಂದಿರುವ ಕೆಲಸಗಾರರ ಮೇಲೆ ನಿಗಾವಸಬೇಕು. ಸಾರ್ವಜನಿಕರ ಜೊತೆ ಉತ್ತಮ ಬಾಂಧವ್ಯ ಹೊಂದಿರುವ ನೀವುಗಳು ಯಾರೇ ಅಪರಿಚಿತರು ಬಂದರೂ ಸಹ ಅವರ ಮಾಹಿತಿಯನ್ನು ಸಂಗ್ರಸಿ ಪೊಲೀಸರಿಗೆ ತಿಳಿಸಿದರೆ ಅಪರಾದಗಳನ್ನು ತಡೆಗಟ್ಟಬಹುದು ಎಂದು ತಿಳಿಸಿದರು. ಈ ಸಂದರ್ಭದಲ್ಲಿ ಎಎಸ್‌ಐ ಪರಮೇಶ್‌, ಸಿಬ್ಬಂದಿಗಳಾದ ಮನು, ಚಂದ್ರು, ನಂದೀಶ್‌, ಹಾಗೂ ಆಟೋ ಚಾಲಕರು ಹಾಜರಿದ್ದರು.