ಪಾಕ್‌ ಕ್ರಿಕೆಟ್‌ ಮಂಡಳಿಗೆ ಮತ್ತೂಂದು ಹೊಡೆತ

Team Udayavani, Dec 20, 2018, 6:05 AM IST

ದುಬಾೖ: ಬಿಸಿಸಿಐ ವಿರುದ್ಧ ಅಂತಾರಾಷ್ಟ್ರೀಯ ಕ್ರಿಕೆಟ್‌ ಮಂಡಳಿಯಲ್ಲಿ ದಾವೆ ಹೂಡಿ ವಿಫ‌ಲವಾಗಿದ್ದ ಪಾಕಿಸ್ಥಾನ ಕ್ರಿಕೆಟ್‌ ಮಂಡಳಿಗೆ ಮತ್ತೂಂದು ಆಘಾತ ಎದುರಾಗಿದೆ. ಐಸಿಸಿಯಲ್ಲಿ ನಡೆದ ಕಾನೂನು ಹೋರಾಟದಲ್ಲಿ ಬಿಸಿಸಿಐ ಅನುಭವಿಸಿದ ಖರ್ಚಿನ ಶೇ. 60ರಷ್ಟನ್ನು ನೀಡುವಂತೆ ವಿವಾದ ತೀರ್ಮಾನ ಸಮಿತಿ ಡಿಆರ್‌ಸಿ (ಡಿಸ್ಪೂéಟ್‌ ರೆಸಲೂಷನ್‌ ಕಮಿಟಿ) ಪಿಸಿಬಿಗೆ ಆದೇಶ ನೀಡಿದೆ.

ಇದಕ್ಕೂ ಮುನ್ನ ಕಾನೂನು ಹೋರಾಟದ ಪೂರ್ಣ ಖರ್ಚನ್ನು ನೀಡಬೇಕೆಂದು ಬಿಸಿಸಿಐ, ಐಸಿಸಿಯಲ್ಲಿ ದಾವೆ ಹೂಡಿತ್ತು. ಮತ್ತೂಂದು ಕಡೆ, ಕಾನೂನು ಹೋರಾಟದ ಅಂಗವಾಗಿ ಐಸಿಸಿಯ ಡಿಆರ್‌ಸಿ ಶುಲ್ಕ, ಆಡಳಿತಾತ್ಮಕ ಖರ್ಚಿನಲ್ಲಿ ಶೇ. 40ರಷ್ಟನ್ನು ನೀಡುವಂತೆ ಬಿಸಿಸಿಐಗೂ ಆದೇಶಿಸಲಾಗಿದೆ.

2015ರಿಂದ 2023ರ ವರೆಗೆ ಪಾಕಿಸ್ಥಾನದ ವಿರುದ್ಧ 6 ದ್ವಿಪಕ್ಷೀಯ ಕ್ರಿಕೆಟ್‌ ಸರಣಿ ಆಡುತ್ತೇವೆಂದು ಬಿಸಿಸಿಐ ಒಪ್ಪಂದ ಮಾಡಿಕೊಂಡು, ಅನಂತರ ತಪ್ಪಿದೆ. ಆದ್ದರಿಂದ ಬಿಸಿಸಿಐ 447 ಕೋಟಿ ರೂ. ಪರಿಹಾರ ನೀಡಬೇಕೆಂದು ಪಾಕಿಸ್ಥಾನ ಕ್ರಿಕೆಟ್‌ ಮಂಡಳಿ ಐಸಿಸಿಯಲ್ಲಿ ದಾವೆ ಹೂಡಿತ್ತು. ಅ. ಒಂದರಿಂದ 3ರ ವರೆಗೆ ವಿವಾದ ತೀರ್ಮಾನ ಮಂಡಳಿ (ಡಿಆರ್‌ಸಿ) ವಿಚಾರಣೆ ನಡೆಸಿ, ಪಿಸಿಬಿ ಅಭಿಪ್ರಾಯವನ್ನು ತಿರಸ್ಕರಿಸಿತ್ತು. ಬಿಸಿಸಿಐ ಮಾಡಿಕೊಂಡದ್ದು ತಿಳಿವಳಿಕೆ ಪತ್ರವೇ ಹೊರತು, ಒಪ್ಪಂದವಲ್ಲ ಎಂದು ಡಿಆರ್‌ಸಿ ಖಚಿತವಾಗಿ ಹೇಳಿತ್ತು. ಇದಕ್ಕೆ ಪ್ರತಿಯಾಗಿ ದಾವೆ ಹೂಡಿದ್ದ ಬಿಸಿಸಿಐ, ಈ ಪ್ರಕ್ರಿಯೆಯ ಖರ್ಚು ನೀಡಬೇಕೆಂದು ಅರ್ಜಿ ಹಾಕಿತ್ತು.