ಲಂಬೋದರನಿಗೆ ಜಗ್ಗೇಶ್‌ ಹಿನ್ನೆಲೆ ಧ್ವನಿ

Team Udayavani, Dec 20, 2018, 11:43 AM IST

ಕನ್ನಡ ಚಿತ್ರರಂಗದಲ್ಲಿ ಹೊಸದೊಂದು ಟ್ರೆಂಡ್‌ ಶುರುವಾಗಿದೆ. ಅದೇನೆಂದರೆ ತಮ್ಮ ಸಿನಿಮಾಗಳ ಪಾತ್ರ ಪರಿಚಯವನ್ನು ಯಾರಾದರೊಬ್ಬರು ನಟರಿಂದ ಮಾಡಿಸೋದು. ಆ ನಟರ ಹಿನ್ನೆಲೆ ಧ್ವನಿಯಲ್ಲಿ ಪಾತ್ರ ಪರಿಚಯ, ನಿರೂಪಣೆ ಸಾಗುತ್ತದೆ.

ಈ ತರಹದ ಪ್ರಯೋಗ ಈಗಾಗಲೇ ಅನೇಕ ಸಿನಿಮಾಗಳಲ್ಲಿ ನಡೆದಿದೆ. ಈಗ ಆ ಸಾಲಿಗೆ ಹೊಸ ಸೇರ್ಪಡೆ “ಲಂಬೋದರ’. “ಲೂಸ್‌ಮಾದ’ ಯೋಗಿ ನಾಯಕರಾಗಿರುವ “ಲಂಬೋದರ’ ಚಿತ್ರಕ್ಕೆ ನಟ ಜಗ್ಗೇಶ್‌ ಹಿನ್ನೆಲೆ ಧ್ವನಿ ನೀಡಿದ್ದಾರೆ.  ಚಿತ್ರದಲ್ಲಿನ ಪಾತ್ರಗಳ ಪರಿಚಯ ಹಾಗೂ ಕಥೆಯಲ್ಲಿ ಬರುವ ಕೆಲವೊಂದು ಟ್ವಿಸ್ಟ್‌ಗಳು ಜಗ್ಗೇಶ್‌ ಧ್ವನಿಯಲ್ಲಿ ಮೂಡಿಬರಲಿದೆ. 

ಈ ಚಿತ್ರವನ್ನು ಕೃಷ್ಣರಾಜ್‌ ನಿರ್ದೇಶಿಸಿದ್ದಾರೆ. “ಲಂಬೋದರ’ ಸಿನಿಮಾಕ್ಕೆ “ಬಸವನಗುಡಿ, ಬೆಂಗಳೂರು’ ಎಂಬ ಟ್ಯಾಗ್‌ಲೈನ್‌ ಇದೆ. ಟ್ಯಾಗ್‌ಲೈನ್‌ಗೆ ತಕ್ಕಂತೆ ಕಥೆಯ ಬಹುಭಾಗ ಚಿತ್ರೀಕರಣ ಕೂಡಾ ಅಲ್ಲೇ ನಡೆದಿದೆ. ಚಿತ್ರದಲ್ಲಿ ಆಕಾಂಕ್ಷಾ ನಾಯಕಿಯಾಗಿ ನಟಿಸಿದ್ದಾರೆ. ಚಿತ್ರವನ್ನು ವಿಶ್ವೇಶ್ವರ್‌ ಪಿ ಹಾಗೂ ರಾಘವೇಂದ್ರ ಭಟ್‌ ನಿರ್ಮಿಸಿದ್ದಾರೆ.