ಜ.6, 27ಕ್ಕೆ ಕೇರಳದಲ್ಲಿ ಪ್ರಧಾನಿಯಿಂದ 2 ರ‍್ಯಾಲಿ 

Team Udayavani, Dec 21, 2018, 6:10 AM IST

ತಿರುವನಂತಪುರ:  ಪ್ರಧಾನಿ ಮೋದಿ ಜ.6 ಮತ್ತು 27ರಂದು ಕೇರಳದಲ್ಲಿ 2 ರ‍್ಯಾಲಿಗಳಲ್ಲಿ ಪಾಲ್ಗೊಳ್ಳ ಲಿದ್ದಾರೆ. ಮೊದಲ ರ‍್ಯಾಲಿ ಶಬರಿಮಲೆ ಅಯ್ಯಪ್ಪ ದೇಗುಲ ಇರುವ ಪಟ್ಟಣಂತಿಟ್ಟ ಜಿಲ್ಲೆಯಲ್ಲಿ ಜ.6 ರಂದು ನಡೆಯಲಿದೆ. 

27ರಂದು ತ್ರಿಶ್ಶೂರ್‌ನಲ್ಲಿ ಬಿಜೆಪಿಯ ಯುವ ಮೋರ್ಚಾದ ಸಮ್ಮೇಳನವನ್ನು ಪ್ರಧಾನಿ ಮೋದಿ ಉದ್ಘಾಟಿಸಲಿದ್ದಾರೆ. ಅಯ್ಯಪ್ಪ ದೇಗುಲಕ್ಕೆ ಮಹಿಳೆಯರು ಪ್ರವೇಶಿಸಬೇಕು ಎಂದು ಸುಪ್ರೀಂ ಕೋರ್ಟ್‌ ತೀರ್ಪು ನೀಡಿದ್ದನ್ನು ಪ್ರಶ್ನಿಸಿ ಕೇರಳ ಸರಕಾರ ಮೇಲ್ಮನವಿ ಸಲ್ಲಿಸ ಬೇಕು ಎಂದು ಬಿಜೆಪಿ ಹೋರಾಟ ನಡೆಸುತ್ತಿರುವಂತೆಯೇ ಜಿಲ್ಲೆಯಲ್ಲಿ ಪ್ರಧಾನಿ ಕಾರ್ಯಕ್ರಮ ಆಯೋಜಿ ಸಿದ್ದು ಮಹತ್ವ ಪಡೆದಿದೆ. 

ಈ ಎರಡು ಕಾರ್ಯಕ್ರಮಗಳಿಗೂ ಮುನ್ನ ಪಾಲ ಕ್ಕಾಡ್‌ ಜಿಲ್ಲೆಯಲ್ಲಿ ಡಿ.31ರಂದು ಬಿಜೆಪಿ ಅಧ್ಯಕ್ಷ ಅಮಿತ್‌ ಶಾ ಪಕ್ಷದ ಕಾರ್ಯಕ್ರಮ
ವೊಂದರಲ್ಲಿ ಭಾಗವಹಿಸಲಿದ್ದಾರೆ.ಏತನ್ಮಧ್ಯೆ, ವಿಧಾನಸಭೆ ಮುಂದೆ ನಡೆಸುತ್ತಿರುವ ಸರಣಿ ಉಪವಾಸ ಮುಂದುವರಿಸಲು ಬಿಜೆಪಿ ನಿರ್ಧರಿಸಿದೆ.