KGF ಬಿರುಗಾಳಿ ;ನಿರೀಕ್ಷೆಯಂತೆ ಭರ್ಜರಿ;ಫ್ಯಾನ್ಸ್ ಫ‌ುಲ್‌ ಮಾರ್ಕ್ಸ್‌!

Team Udayavani, Dec 21, 2018, 9:58 AM IST

ಬೆಂಗಳೂರು: ಯಶ್‌ ಅಭಿನಯದ ಬಿಗ್‌ ಬಜೆಟ್‌ ‘ಕೆಜಿಎಫ್’ ಚಿತ್ರ ಬಹುಭಾಷೆಯಲ್ಲಿ ಶುಕ್ರವಾರ ಬೆಳಗ್ಗೆ  ವಿಶ್ವಾದ್ಯಂತ ಸುಮಾರು ಎರಡು ಸಾವಿರ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದ್ದು,ಭರ್ಜರಿ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಅಭಿಮಾನಿಗಳು ಚಿತ್ರವನ್ನು ಮೆಚ್ಚಿಕೊಂಡು ಫ‌ುಲ್‌ ಮಾರ್ಕ್ಸ್‌ ನೀಡಿದ್ದಾರೆ. 

ಕನ್ನಡ, ಹಿಂದಿ, ತಮಿಳು, ತೆಲುಗು ಮತ್ತು ಮಲಯಾಳಂ ಭಾಷೆಯಲ್ಲಿ  ಚಿತ್ರ ಬಿಡುಗಡೆಯಾಗಿದ್ದು  ರಾಜ್ಯದಲ್ಲಿ  ಭರ್ಜರಿ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು , ಹೊರ ರಾಜ್ಯಗಳಲ್ಲೂ  ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಅಮೆರಿಕಾ, ಕೆನಡಾ, ಯುಕೆಯಲ್ಲೂ “ಕೆಜಿಎಫ್’ ತೆರೆಕಂಡಿದೆ.

ಬುಕ್‌ ಮೈ ಶೋ ನಲ್ಲಿ ಕೆಜಿಎಫ್ 3 ಲಕ್ಷಕ್ಕೂ ಹೆಚ್ಚು ಲೈಕ್ಸ್‌ ಪಡೆಯುವ ಮೂಲಕ ಶಾರುಕ್‌ ಖಾನ್‌ ಅವರ ಝೀರೊ ಚಿತ್ರವನ್ನು ಮೀರಿಸಿದೆ.

ಈಗಾಗಲೇ ಚಿತ್ರದ ಟಿಕೆಟ್‌ಗಳು ಸೋಲ್ಡ್‌ ಔಟ್‌ ಆಗಿದ್ದು, ರಾಜ್ಯದೆಲ್ಲೆಡೆ ಚಿತ್ರ ಮಂದಿರಗಳಲ್ಲಿ ಹೌಸ್‌ ಫ‌ುಲ್‌ ಪ್ರದರ್ಶನ ಕಂಡು ಬಂದಿದೆ. 

4 ಗಂಟೆಗೆ ಶೋ ಹೌಸ್‌ ಫ‌ುಲ್‌ 
ಬೆಂಗಳೂರಿನ ಊರ್ವಶಿ ಚಿತ್ರಮಂದಿರದಲ್ಲಿ  ಶುಕ್ರವಾರ ಬೆಳಗಿನ ಜಾವ ನಾಲ್ಕು ಗಂಟೆಗೆ ಸಿನಿಮಾ ಪ್ರದರ್ಶಿಸಲಾಗಿದ್ದು , ಭಾರಿ ಚಳಿಯಲ್ಲೂ ಕಾದು ನಿಂತ ಅಭಿಮಾನಿಗಳು ಪಟಾಕಿ ಸಿಡಿಸಿ ಸಂಭ್ರಮಿಸಿ ಚಿತ್ರವನ್ನು ವೀಕ್ಷಿಸಿ ಸಂಭ್ರಮಿಸಿದ್ದಾರೆ. 

ವಿರೇಶ್‌ ಚಿತ್ರಮಂದಿರದಲ್ಲಿ ಬೆಳಗ್ಗೆ 6.15 ಕ್ಕೆ ಪ್ರದರ್ಶನ ಮಾಡಲಾಗಿದ್ದು ಅಭಿಮಾನಿಗಳು ಮುಗಿ ಬಿದ್ದು ಯಶ್‌ಗೆ ಜೈಕಾರ ಹಾಕಿದ್ದಾರೆ. 

ಫ‌ುಲ್‌ ಮಾರ್ಕ್ಸ್‌ !

ಸ್ಯಾಂಡಲ್‌ವುಡ್‌ ಇತಿಹಾಸದಲ್ಲೆ ಹೊಸ ದಾಖಲೆಗೆ ಪಾತ್ರವಾಗಿರುವ ಕೆಜಿಎಫ್ ಚಿತ್ರಕ್ಕೆ  ಇಂಟರ್‌ನೆಟ್‌ ಮೂವಿ  ಡಾಟಾ ಬೇಸ್‌(IMDB) 10 ರಲ್ಲಿ 9.6 ಅಂಕಗಳನ್ನು ನೀಡಿದೆ.

ಕನ್ನಡ ಚಿತ್ರದ ರಂಗದ ಇತಿಹಾಸದಲ್ಲೇ ಬಿಗ್‌ ಬಜೆಟ್‌ ಚಿತ್ರವಾಗಿರುವ ಕೆಜಿಎಫ್ ಚಿತ್ರವನ್ನು ಪ್ರಶಾಂತ್‌ ನೀಲ್‌ ನಿರ್ದೇಶಿಸಿದ್ದು, ಶ್ರೀನಿಧಿ ಶೆಟ್ಟಿ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ವಿಜಯ್‌ ಕಿರಂಗದೂರು ನಿರ್ಮಾಣ ಮಾಡಿದ್ದಾರೆ.

ಕೆಜಿಎಫ್ ಚಾಪ್ಟರ್‌- 2  ಘೋಷಿಸಿರುವ ಚಿತ್ರತಂಡ  ಚಿತ್ರಪ್ರೇಮಿಗಳಲ್ಲಿ ಕುತೂಹಲ ಉಳಿಸುವಂತೆ ಮಾಡಿದೆ.