ಬೋಲ್ಡ್‌ ಲುಕ್‌ನಲ್ಲಿ ಮಾನ್ವಿತಾ 

Team Udayavani, Jan 6, 2019, 6:03 AM IST

ಮಾನ್ವಿತಾ ಸಖತ್‌ ಬೋಲ್ಡ್‌ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಅದು ಹೊಸ ಫೋಟೋಶೂಟ್‌ನಲ್ಲಿ. ಹೌದು, ಮಾನ್ವಿತಾ ಹೊಸ ಫೋಟೋಶೂಟ್‌ ಮಾಡಿಸಿಕೊಂಡಿದ್ದು, ಸಖತ್‌ ಹಾಟ್‌ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. “ಕೆಂಡಸಂಪಿಗೆ’ ಚಿತ್ರದ ಮೂಲಕ ಬೆಳಕಿಗೆ ಬಂದ ಮಾನ್ವಿತಾ ಆ ನಂತರ “ಟಗರು’ ಚಿತ್ರದ ಪುನರ್ವಸು ಪಾತ್ರದ ಮೂಲಕ ನಟಿಯಾಗಿ ಗುರುತಿಸಿಕೊಂಡರು.

ಈಗ ಮಾನ್ವಿತಾ “ದಾರಿ ತಪ್ಪಿದ ಮಗ’ ಚಿತ್ರದ ನಿರೀಕ್ಷೆಯಲ್ಲಿದ್ದಾರೆ. ಈ ಚಿತ್ರದಲ್ಲಿ ಮಾನ್ವಿತಾ ಸಖತ್‌ ಬೋಲ್ಡ್‌ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅನಿಲ್‌ “ದಾರಿ ತಪ್ಪಿದ ಮಗ’ ಚಿತ್ರವನ್ನು ನಿರ್ದೇಶಿಸುತ್ತಿದ್ದು, ಧೀರೇನ್‌ ಈ ಚಿತ್ರದ ಮೂಲಕ ನಾಯಕರಾಗಿ ಲಾಂಚ್‌ ಆಗುತ್ತಿದ್ದಾರೆ. ಸದ್ಯ ಮಾನ್ವಿತಾ ಈ ಚಿತ್ರಕ್ಕಾಗಿ ಅಣಿಯಾಗಿದ್ದು, ಜನವರಿ 15ರಿಂದ ಚಿತ್ರೀಕರಣ ಆರಂಭವಾಗಲಿದೆ. ಹೊಸ ವರ್ಷದಲ್ಲಿ ಮಾನ್ವಿತಾ ನಟಿಸಿರುವ ಮೂರು ಚಿತ್ರಗಳು ಬಿಡುಗಡೆಯಾಗಲಿವೆ.

“ರಿಲ್ಯಾಕ್ಸ್‌ ಸತ್ಯ’, ನಾಗತಿಹಳ್ಳಿ ಚಂದ್ರಶೇಖರ್‌ ನಿರ್ದೇಶನದ ಸಿನಿಮಾ ಹಾಗೂ “ದಾರಿ ತಪ್ಪಿದ ಮಗ’ ಚಿತ್ರಗಳು ಈ ವರ್ಷ ತೆರೆಕಾಣಲಿವೆ. ಜೊತೆಗೆ ಮರಾಠಿ ಸಿನಿಮಾವೊಂದರಲ್ಲೂ ಮಾನ್ವಿತಾ ನಟಿಸುತ್ತಿದ್ದು, ಆ ಚಿತ್ರ ಕೂಡಾ ಈ ವರ್ಷವೇ ತೆರೆಕಾಣುವ ಸಾಧ್ಯತೆ ಇದೆ. ಇನ್ನು, ಹೊಸ ವರ್ಷದಲ್ಲಿ ಮಾನ್ವಿತಾ ಬರವಣಿಗೆಯಲ್ಲಿ ತೊಡಗಿಸಿಕೊಳ್ಳಲು ಆಸಕ್ತಿ ತೋರಿದ್ದು, ಸ್ಕ್ರಿಪ್ಟ್ ಬರೆಯಲು ಮುಂದಾಗಿದ್ದಾರಂತೆ. ಸದ್ಯ ಮಾನ್ವಿತಾ ಅವರ ಗ್ಲಾಮರಸ್‌ ಫೋಟೋಸ್‌ ಮೂಲಕ ಮಿಂಚುತ್ತಿದ್ದಾರೆ.