ಬುಮ್ರಾ ಸ್ಟೈಲ್ ನಕಲು ಮಡಿದ ಆಸೀಸ್ ಪೋರ

Team Udayavani, Jan 10, 2019, 7:07 AM IST

ಸಿಡ್ನಿ: ಭಾರತದ ಸ್ಪೀಡ್ ಸ್ಟಾರ್ ಜಸ್ಪ್ರೀತ್ ಬುಮ್ರಾ  ಬೌಲಿಂಗ್ ಸ್ಟೈಲ್ ಈಗ ಎಲ್ಲಾ ಕಡೆ ಜನಜನಿತವಾಗುತ್ತಿದೆ. ಇತ್ತೀಚೆಗಷ್ಟೇ ಮುಗಿದ ಆಸ್ಟ್ರೇಲಿಯಾ ವಿರುದ್ದದ ಟೆಸ್ಟ್ ಸರಣಿಯಲ್ಲಿ ಭಾರತದ ಗೆಲುವಿಗೆ ಪ್ರಮುಖ ಕಾರಣವಾಗಿದ್ದ ಬುಮ್ರಾ ಬೌಲಿಂಗ್ ಶೈಲಿಯನ್ನು ಈಗ ಆಸ್ಟ್ರೇಲಿಯನ್ನರು ಕೂಡಾ ನಕಲು ಮಾಡುತ್ತಿದ್ದಾರೆ. 

ಆಸ್ಟ್ರೇಲಿಯಾದ ಪೋರನೊಬ್ಬ ಜಸ್ಪ್ರೀತ್ ಬುಮ್ರಾ ಶೈಲಿಯಲ್ಲಿ ಬೌಲಿಂಗ್ ಮಾಡಿರುವ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಮೈಕಲ್ ಕರ್ಟಿನ್ ಎನ್ನುವವವರು ಈ ವಿಡಿಯೋವನ್ನು ಟ್ವೀಟ್ ಮಾಡಿದ್ದು “ನಿಮ್ಮ ಶ್ರೇಷ್ಠ ಸರಣಿಯ ಗೆಲುವಿನಿಂದ ಬಂದ ಏಕೈಕ ಸಮಸ್ಯೆ ಮುಂದಿನ ಪೀಳಿಗೆಯ ಆಸ್ಟ್ರೇಲಿಯಾ  ಕ್ರಿಕೆಟಿಗರು ನಿಮ್ಮಿಂದ  ಪ್ರೇರಿತರಾಗಿರಬಹುದು’ ಎಂದಿದ್ದಾರೆ . 

ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಜಸ್ಪ್ರೀತ್ ಬುಮ್ರಾ, ‘ ಹುಡುಗ ಮುದ್ದಾಗಿದ್ದಾನೆ. ಅವನಿಗೆ ನನ್ನ ಹಾರೈಕೆಗಳನ್ನು ತಿಳಿಸಿ ಎಂದಿದ್ದಾರೆ. ಇತ್ತೀಚೆಗಷ್ಟೇ ಮುಗಿದ ಬಾರ್ಡರ್ – ಗವಾಸ್ಕರ್ ಟೆಸ್ಟ್ ಸರಣಿಯಲ್ಲಿ 21 ವಿಕೆಟ್ ಪಡೆದು ಬುಮ್ರಾ ಭಾರತದ ಪರ ಅತೀ ಹೆಚ್ಚು ವಿಕೆಟ್ ಪಡೆದಿದ್ದರು.