ರಿಶಭ್ ಪಂತ್ ಮನಗೆದ್ದ ಸುಂದರಿ ಯಾರಿವಳು?

Team Udayavani, Jan 17, 2019, 11:57 AM IST

ಹೊಸದಿಲ್ಲಿ: ಭಾರತೀಯ ಟೆಸ್ಟ್ ತಂಡದ ವಿಕೆಟ್ ಕೀಪರ್ ಬ್ಯಾಟ್ಸ್ ಮನ್ ರಿಶಭ್ ಪಂತ್ ಇತ್ತೀಚೆಗೆ ತನ್ನ ಬ್ಯಾಟಿಂಗ್ ಗಿಂತ ಬೇರೆ ವಿಷಯಗಳಲ್ಲೇ ಅತೀ ಹೆಚ್ಚು ಸುದ್ದಿಯಲ್ಲಿರುತ್ತಿದ್ದಾರೆ. ಸದ್ಯ ಪಂತ್ ಸುದ್ದಿಯಾಗುತ್ತಿರುವುದು ಒಂದು ಹುಡುಗಿ ವಿಷಯಕ್ಕೆ !

21ರ ಹರೆಯದ ಪಂತ್ ಇದೇ ಮೊದಲ ಬಾರಿಗೆ ಹುಡುಗಿ ಜೊತೆ ಕಾಣಿಸಿಕೊಂಡಿದ್ದಾರೆ. ತನ್ನ ಇನ್ಸ್ಟಾಗ್ರಾಮ್ ನಲ್ಲಿ ಹುಡುಗಿಯ ಫೋಟೋ ಪೋಸ್ಟ್ ಮಾಡಿರುವ ಪಂತ್, ನಾನು ನಿನ್ನನ್ನು ಸಂತೋಷಪಡಿಸಿಲು ಬಯಸುತ್ತೇನೆ. ಯಾಕೆಂದರೆ ನಾನು ಖುಷಿಯಾಗಿರುವುದೇ ನಿನ್ನಿಂದ ಎಂದು ಬರೆದು ಕೊಂಡಿದ್ದಾರೆ. 

ಯಾರು ಆ ಹುಡುಗಿ?

ಪಂತ್ ಜೊತೆಗಿರುವ ಹುಡುಗಿಯ ಹೆಸರು ಇಶಾ ನೇಗಿ. ಇಂಟೀರಿಯರ್ ಡೆಕೋರ್ ಡಿಸೈನರ್ ( ಒಳಾಂಗಣ ಅಲಂಕಾರ ವಿನ್ಯಾಸ) ಆಗಿರುವ ಇಶಾ ಕೂಡಾ ತನ್ನ ಇನ್ಸ್ಟಾಗ್ರಾಮ್ ನಲ್ಲಿ ಪಂತ್ ಜೊತೆಗಿರುವ ಫೋಟೋ ಹಾಕಿಕೊಂಡಿದ್ದಾರೆ.