ಆ್ಯಶ್ಲಿ ಬಾರ್ಟಿ ಬಲೆಗೆ ಬಿದ್ದ ಶರಪೋವಾ

Team Udayavani, Jan 21, 2019, 12:40 AM IST

ಮೆಲ್ಬರ್ನ್: “ಮೆಲ್ಬರ್ನ್ ಪಾರ್ಕ್‌’ನಲ್ಲಿ ರವಿವಾರ ಏರುಪೇರಿನ ಫ‌ಲಿತಾಂಶ ದಾಖಲಾಗಿದೆ. ವನಿತೆಯರ ಸಿಂಗಲ್ಸ್‌ನಲ್ಲಿ ಮಾಜಿ ಚಾಂಪಿಯನ್‌ ಮರಿಯಾ ಶರಪೋವಾ, 2016ರ ವಿಜೇತೆ ಆ್ಯಂಜೆಲಿಕ್‌ ಕೆರ್ಬರ್‌ ಪ್ರಿ-ಕ್ವಾರ್ಟರ್‌ ಫೈನಲ್‌ನಲ್ಲಿ ಸೋಲುಂಡು ಕೂಟದಿಂದ ನಿರ್ಗಮಿಸಿದ್ದಾರೆ.

ಇವರಿಬ್ಬರನ್ನೂ ಯುವ ಹಾಗೂ ಅನನುಭವಿ ಆಟಗಾರ್ತಿಯರು ಮಣಿಸಿದ್ದೊಂದು ವಿಶೇಷ. ಮರಿಯಾ ಶರಪೋವಾ ಅವರನ್ನು ಆತಿಥೇಯ ನಾಡಿನ ಆ್ಯಶ್ಲಿ ಬಾರ್ಟಿ 4-6, 6-1, 6-4 ಅಂತರದಿಂದ ಪರಾಭವಗೊಳಿಸಿದರೆ, ಕೆರ್ಬರ್‌ ಅವರನ್ನು ಅಮೆರಿಕದ ಡೇನಿಯಲ್‌ ಕಾಲಿನ್ಸ್‌ 6-0, 6-2 ಅಂತರದಿಂದ ಸುಲಭದಲ್ಲಿ ಹಿಮ್ಮೆಟ್ಟಿಸಿದರು.

ಆ್ಯಶ್ಲಿ ಬಾರ್ಟಿ ಸಾಧನೆಯೊಂದಿಗೆ ದಶಕದ ಬಳಿಕ ಆಸ್ಟ್ರೇಲಿಯನ್‌ ಆಟಗಾರ್ತಿಯೊಬ್ಬಳು ತವರಿನ ಗ್ರ್ಯಾನ್‌ಸ್ಲಾಮ್‌ನಲ್ಲಿ ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದಂತಾಯಿತು. 2009ರಲ್ಲಿ ಜೆಲೆನಾ ಡೊಕಿಕ್‌ ಈ ಸಾಧನೆ ಮಾಡಿದ್ದರು. ಇನ್ನೊಂದೆಡೆ ಡೇನಿಯಲ್‌ ಕಾಲಿನ್ಸ್‌ ಅವರಿಗೆ ಇದು ಮೊದಲ ಆಸ್ಟ್ರೇಲಿಯನ್‌ ಓಪನ್‌ ಪಂದ್ಯಾವಳಿಯಾಗಿತ್ತೆಂಬುದು ವಿಶೇಷ.

5 ಬಾರಿಯ ಗ್ರಾÂನ್‌ಸ್ಲಾಮ್‌ ಪ್ರಶಸ್ತಿ ವಿಜೇತೆ ಮರಿಯಾ ಶರಪೋವಾ ಆರಂಭ ನಿರೀಕ್ಷೆಗೆ ತಕ್ಕಂತೆಯೇ ಇತ್ತು. ಮೊದಲ ಸೆಟ್‌ 6-4ರಿಂದ ಗೆದ್ದರು. ಬಳಿಕ ತವರಿನ ವೀಕ್ಷಕರ ಭಾರೀ ಹರ್ಷೋದ್ಗಾರದ ನಡುವೆ ಬಾರ್ಟಿ ತಿರುಗಿ ಬಿದ್ದರು. ನಿರ್ಣಾಯಕ ಸೆಟ್‌ನಲ್ಲಿ 4-0 ಮುನ್ನಡೆ ಸಾಧಿಸಿದ ತಾಕತ್ತು ಇವರದ್ದಾಗಿತ್ತು. ಅನಂತರ ಶರಪೋವಾ ಸತತ 3 ಗೇಮ್‌ಗಳನ್ನು ಗೆದ್ದು ಹೋರಾಟ ಜಾರಿಯಲ್ಲಿರಿಸಿದರು. ಆದರೆ ಬಾರ್ಟಿ ಭಯಪಡಲಿಲ್ಲ. ಶರಪೋವಾ ಅಂಕ ನಾಲ್ಕರ ಗಡಿ ದಾಟಲಿಲ್ಲ.

ಬಾರ್ಟಿಗೆ ಕ್ವಿಟೋವಾ ಸವಾಲು
ಅಶ್ಲಿ ಬಾರ್ಟಿ ಕ್ವಾರ್ಟರ್‌ ಫೈನಲ್‌ನಲ್ಲಿ 2 ಬಾರಿಯ ವಿಂಬಲ್ಡನ್‌ ಚಾಂಪಿಯನ್‌ ಪೆಟ್ರಾ ಕ್ವಿಟೋವಾ ಸವಾಲನ್ನು ಎದುರಿಸಲಿದ್ದಾರೆ. 8ನೇ ಶ್ರೇಯಾಂಕದ ಕ್ವಿಟೋವಾ ಅಮೆರಿಕದ ಯುವ ಆಟಗಾರ್ತಿ ಅಮಂಡಾ ಅನಿಸಿಮೋವಾಗೆ 6-2, 6-1 ಅಂತರದ ಸೋಲುಣಿಸಿದರು.

ಅನಿಸಿಮೋವಾ ಸೋಲಿನಿಂದ ನಿರಾಶರಾದ ಅಮೆರಿಕದ ಅಭಿಮಾನಿಗಳಿಗೆ 35ನೇ ರ್‍ಯಾಂಕಿಂಗ್‌ ಆಟಗಾರ್ತಿ ಡೇನಿಯಲ್‌ ಕಾಲಿನ್ಸ್‌ ಸಂತಸ ಮೂಡಿಸಿದರು. 2016ರ ಚಾಂಪಿಯನ್‌, ಜರ್ಮನಿಯ ಆ್ಯಂಜೆಲಿಕ್‌ ಕೆರ್ಬರ್‌ ಅವರನ್ನು 6-0, 6-2ರಿಂದ ಸುಲಭದಲ್ಲಿ ಮಣಿಸಿ ಮುನ್ನುಗ್ಗಿದರು. ಈ ಗೆಲುವಿಗೆ ತಗುಲಿದ್ದು 56 ನಿಮಿಷ ಮಾತ್ರ. ಕಾಲಿನ್ಸ್‌ ಇನ್ನು ತಮ್ಮದೇ ನಾಡಿನ ಸ್ಲೋನ್‌ ಸ್ಟೀಫ‌ನ್ಸ್‌ ಅಥವಾ ರಶ್ಯದ ಅನಾಸ್ತಾಸಿಯಾ ಪಾವುÉಚೆಂಕೋವಾ ಸವಾಲನ್ನು ಎದುರಿಸಲಿದ್ದಾರೆ.