ಬಿಜೆಪಿ ಸೇರಿದ ಕನ್ನಡ ನಟಿ ಇಶಾ ಕೊಪ್ಪಿಕರ್‌

Team Udayavani, Jan 28, 2019, 12:30 AM IST

ಮುಂಬಯಿ: ಕರ್ನಾಟಕದ ಹುಬ್ಬಳ್ಳಿ ಮೂಲದ ಬಾಲಿವುಡ್‌ ನಟಿ ಇಶಾ ಕೊಪ್ಪಿಕರ್‌ ರವಿವಾರ ಬಿಜೆಪಿಗೆ ಸೇರ್ಪಡೆಯಾಗಿದ್ದಾರೆ. ಮುಂಬಯಿ ಯಲ್ಲಿ ಕೇಂದ್ರ ಸಚಿವ ನಿತಿನ್‌ ಗಡ್ಕರಿ ಸಮ್ಮುಖದಲ್ಲಿ ಅವರು ಸೇರ್ಪಡೆಯಾಗಿದ್ದಾರೆ.

ಇದೇ ವೇಳೆ, ಮಹಿಳಾ ಸಾರಿಗೆ ವಿಭಾಗದ ಕಾರ್ಯಕಾರಿ ಅಧ್ಯಕ್ಷೆ ಯನ್ನಾಗಿ ನೇಮಿಸಲಾಗಿದೆ. 2000ನೇ ಇಸ್ವಿಯಲ್ಲಿ ಫಿಜಾ ಸಿನೆಮಾ ದಿಂದ ಚಿತ್ರರಂಗಕ್ಕೆ ಪ್ರವೇಶಿಸಿದ ಅವರು, ರಾಮ್‌ ಗೋಪಾಲ್‌ ವರ್ಮಾ ನಿರ್ದೇಶನದ “ಕಂಪೆನಿ’ ಸಿನೆಮಾದಿಂದ ಜನಪ್ರಿಯರಾದರು.

ಕನ್ನಡದ “ಸೂರ್ಯವಂಶ’ ಸೇರಿದಂತೆ ತಮಿಳು, ತೆಲುಗು ಮತ್ತು ಮರಾಠಿ ಸಿನೆಮಾಗಳಲ್ಲೂ ನಟಿಸಿದ್ದಾರೆ. ಇದೇ ಕಾರ್ಯಕ್ರಮದಲ್ಲಿ ಮಾತನಾಡಿದ  ಕೇಂದ್ರ ಸಚಿವ ನಿತಿನ್‌ ಗಡ್ಕರಿ, ಭರವಸೆ ನೀಡುವ ನಾಯಕರು ಜನರಿಗೆ ಇಷ್ಟವಾಗುತ್ತಾರೆ. ಆದರೆ ಆ ಭರವಸೆ ಈಡೇರದಿದ್ದರೆ ಜನರು ಸಿಟ್ಟಾಗುತ್ತಾರೆ. ಹೀಗಾಗಿ ಪೂರೈಸಬಹುದಾದ ಭರವಸೆಯನ್ನು ಮಾತ್ರ ನೀಡಬೇಕು ಎಂದಿದ್ದಾರೆ.