ಭಾರತ-ಸ್ಪೇನ್‌: ವನಿತಾ ಹಾಕಿ 2-2 ಡ್ರಾ

Team Udayavani, Feb 1, 2019, 12:30 AM IST

ಮರ್ಸಿಯ (ಸ್ಪೇನ್‌): ಆತಿಥೇಯ ಸ್ಪೇನ್‌ ಮತ್ತು ಭಾರತ ವನಿತಾ ತಂಡಗಳ ನಡುವೆ ಗುರುವಾರ ನಡೆದ 4ನೇ ಹಾಕಿ ಪಂದ್ಯ 2-2 ಅಂತರದಿಂದ ಡ್ರಾಗೊಂಡಿದೆ. ಇದರೊಂದಿಗೆ ಸರಣಿ 1-1ರಿಂದ ಸಮನಾಗಿದೆ. ಒಂದು ಪಂದ್ಯ ಸ್ಪೇನ್‌ ಜಯಿಸಿದರೆ, ಇನ್ನೊಂದು ಭಾರತ ಗೆದ್ದಿತ್ತು. 2 ಪಂದ್ಯಗಳು ಡ್ರಾಗೊಂಡವು.

ಭಾರತ 2-0 ಮುನ್ನಡೆಯ ಹೊರತಾಗಿಯೂ ಈ ಪಂದ್ಯವನ್ನು ವಶಪಡಿಸಿಕೊಳ್ಳುವಲ್ಲಿ ವಿಫ‌ಲವಾಯಿತು. 8ನೇ ನಿಮಿಷದಲ್ಲಿ ದೀಪ್‌ ಗ್ರೇಸ್‌ ಎಕ್ಕ ಮತ್ತು 26ನೇ ನಿಮಿಷದಲ್ಲಿ ನವನೀತ್‌ ಕೌರ್‌ ಗೋಲು ಬಾರಿಸಿ ಭಾರತವನ್ನು ಹೋರಾಟಕ್ಕೆ ಅಣಿಗೊಳಿಸಿದ್ದರು. ಆದರೆ ಸ್ಪೇನ್‌ 3ನೇ ಕ್ವಾರ್ಟರ್‌ನಲ್ಲಿ ತಿರುಗಿ ಬಿತ್ತು. ಲೂಸಿಯಾ ಜಿಮೆನೆಜ್‌ (35ನೇ ನಿಮಿಷ) ಮತ್ತು ಕ್ಲಾರಾ ವೈಕಾರ್ಟ್‌ (39ನೇ ನಿಮಿಷ) ಗೋಲು ಬಾರಿಸಿ ಪಂದ್ಯವನ್ನು ಸಮಬಲಕ್ಕೆ ತಂದರು. ಭಾರತವಿನ್ನು ಐರ್ಲೆಂಡ್‌ ವಿರುದ್ಧ 2 ಪಂದ್ಯಗಳನ್ನಾಡಲಿದೆ (ಫೆ. 2 ಮತ್ತು 3).