ಉಳ್ಳಾಲ: ಕಟ್ಟಡದಿಂದ ಬಿದ್ದು ಯುವಕ ಸಾವು

Team Udayavani, Feb 8, 2019, 12:30 AM IST

ಉಳ್ಳಾಲ: ಯುವಕ ನೋರ್ವ ಕಟ್ಟಡದಿಂದ ಬಿದ್ದು ಅನುಮಾನಾಸ್ಪದವಾಗಿ ಸಾವನ್ನಪ್ಪಿರುವ ಘಟನೆ ಉಳ್ಳಾಲ ಠಾಣಾ ವ್ಯಾಪ್ತಿಯ ಕಾಪಿಕಾಡಿನಲ್ಲಿ ಗುರುವಾರ ಬೆಳಗ್ಗೆ ಬೆಳಕಿಗೆ ಬಂದಿದೆ.

ಅಂಬಿಕಾ ರೋಡ್‌ ನಿವಾಸಿ ರಿಕ್ಷಾ ಚಾಲಕ ವಿಜಯ್‌ ಅವರ ಪುತ್ರ ನಿಶಾನ್‌ (26) ಮೃತಪಟ್ಟವರು. ಕಾಪಿಕಾಡಿನ ಭಗವತೀ ಕಾಂಪ್ಲೆಕ್ಸ್‌ನ ಕಟ್ಟಡದಿಂದ  ಪಕ್ಕದ ಮನೆಯೊಂದರ ಕಾಂಪೌಂಡ್‌ಗೆ ಬಿದ್ದು ಸಾವನ್ನಪ್ಪಿದ್ದಾರೆ. 

ಬೆಂಗಳೂರಿನಲ್ಲಿ ಖಾಸಗಿ ಸಂಸ್ಥೆಯೊಂದರಲ್ಲಿ ಕೆಲಸದಲ್ಲಿದ್ದ  ಅವರು ನಾಲ್ಕು ವರ್ಷಗಳಿಂದ ಮಾನಸಿಕ ಖನ್ನತೆಯಿಂದ ಬಳಲುತ್ತಿ ದ್ದರು. ಬುಧವಾರ ರಾತ್ರಿಯೂ ಮನೆಯವರೊಂದಿಗೆ ಕ್ಲುಲ್ಲಕ ವಿಚಾರ ದಲ್ಲಿ ತಗಾದೆ ತೆಗೆದಿದ್ದ ಅವರು, ಮನೆಯವರೆಲ್ಲ ಮಲಗಿದ ಬಳಿಕ   ಹೊರ ಬಂದಿದ್ದರು. ಸುಮಾರು 12.30ರ ಸುಮಾರಿಗೆ ಕಾಂಪ್ಲೆಕ್ಸ್‌ನ ಟೆರೇಸ್‌ಗೆ ಹೋಗುವ  ದೃಶ್ಯ ಸಿಸಿಟಿವಿ ಯಲ್ಲಿ ದಾಖಲಾಗಿದೆ. ಉಳ್ಳಾಲ ಪೊಲೀಸರು ಮೃತದೇಹವನ್ನು ಮರ ಣೋತ್ತರ ಪರೀಕ್ಷೆಗೆ ರವಾನಿಸಿದ್ದಾರೆ.