ಕಾರ್ಕಳ ಕಾಂಗ್ರೆಸ್‌ನಿಂದ ಹುತಾತ್ಮ ಯೋಧರಿಗೆ ಸಂತಾಪ

Team Udayavani, Feb 16, 2019, 12:30 AM IST

ಕಾರ್ಕಳ: ದೇಶ ಸೇವೆಯ ಕಾರ್ಯಕ್ಕೆ ತೆರಳುತ್ತಿದ್ದ ಸಿಆರ್‌ಪಿಎಫ್ ಯೋಧರ ಮೇಲೆ ಜಮ್ಮು ಕಾಶ್ಮೀರದ ಆವಂತೀಪೋರಾದಲ್ಲಿ ಉಗ್ರರು ನಡೆಸಿದ ದಾಳಿಯಲ್ಲಿ ಹುತಾತ್ಮರಾದ ಯೋಧರಿಗೆ ಕಾರ್ಕಳ ಕಾಂಗ್ರೆಸ್‌ನಿಂದ ಸಂತಾಪ ಅರ್ಪಿಸಲಾಯಿತು.

ಕಾರ್ಕಳ ಆನೆಕೆರೆಯ ಅಮರ್‌ ಜವಾನ್‌ ಪಾರ್ಕ್‌ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಮಾಜಿ ಶಾಸಕ ಎಚ್‌. ಗೋಪಾಲ ಭಂಡಾರಿ ಭಾಗವಹಿಸಿ ಸ್ಮಾರಕಕ್ಕೆ ಪುಷ್ಪನಮನ ಸಲ್ಲಿಸಿ ಮಾತನಾಡಿ ಇದೊಂದು ಅಮಾನವೀಯ ಕೃತ್ಯ ಇಂತಹ ಘಟನೆ ವಿಶ್ವದ ಯಾವ ದೇಶ ದಲ್ಲಿಯೂ ನಡೆಯಬಾರದು ಎಂದರು.

ಉಗ್ರರು ದಾಳಿ ನಡೆಸುವ ಬಗ್ಗೆ ಗುಪ್ತಚರ ಇಲಾಖೆಯು ಒಂದು ತಿಂಗಳ ಹಿಂದೆಯೇ ಮಾಹಿತಿ ನೀಡಿದರೂ ಸಹ ಪೈಶಾಚಿಕ ಕೃತ್ಯ ನಡೆದಿರುವುದು ಖಂಡನೀಯ ಎಂದು ಭಂಡಾರಿ ಹೇಳಿದರು.

ಈ ಸಂದರ್ಭ ಕಾರ್ಕಳ ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ಶೇಖರ ಮಡಿವಾಳ, ಮಾಜಿ ಆಧ್ಯಕ್ಷ ಸುಧಾಕರ ಕೋಟ್ಯಾನ್‌, ಹೆಬ್ರಿ  ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ಮಂಜುನಾಥ ಪೂಜಾರಿ, ಕಾಂಗ್ರೆಸ್‌ ಮುಖಂಡರಾದ ಡಾ| ಸಂತೋಷ್‌ ಕುಮಾರ್‌ ಶೆಟ್ಟಿ, ಬಿಪಿನ್‌ ಚಂದ್ರಪಾಲ್‌, ಎಂ.ಎ. ಗಫ‌ೂರ್‌, ಮಧುಕರ ಶೆಟ್ಟಿ, ಅಶ#ಕ್‌ ಅಹಮದ್‌, ರೆಹಮತ್‌, ಪ್ರತಿಮಾ, ಸಿರಿಯಣ್ಣ ಶೆಟ್ಟಿ, ತಾರಾನಾಥ ಶೆಟ್ಟಿ, ಪುರಸಭಾ ಸದಸ್ಯರು, ಕಾರ್ಯಕರ್ತರು ಶ್ರದ್ಧಾಂಜಲಿ ಅರ್ಪಿಸಿದರು.ಶುಭದಾ ರಾವ್‌ ಸ್ವಾಗತಿಸಿ, ವಂದಿಸಿದರು.