ಮೋದಿ ಕಲಬುರಗಿ ಭೇಟಿ  ಮಾರ್ಚ್‌ 6ರಂದು  ಫಿಕ್ಸ್‌

Team Udayavani, Mar 1, 2019, 1:45 AM IST

ಕಲಬುರಗಿ: ಈಗಾಗಲೇ ಎರಡೂ¾ರು ದಿನಾಂಕಗಳು ಬದಲಾವಣೆಯಾಗಿರುವ ಪ್ರಧಾನಿ ನರೇಂದ್ರ ಮೋದಿ  ಅವರ ಕಲಬುರಗಿ ರ್ಯಾಲಿ ಹಾಗೂ ಬಹಿರಂಗ ಸಭೆ ಈಗಮಾರ್ಚ್‌ 6ರಂದು ನಿಗದಿಯಾಗಿದೆ.

ಈ ಮೊದಲು ಮಾ. 7ರಂದು ಮೋದಿಯವರ ಪ್ರವಾಸ ನಿಗದಿಯಾಗಿತ್ತು. ಆದರೆ, ಈಗ ಒಂದು ದಿನ ಮುಂಚಿತವಾಗಿ, ಅಂದರೆ, ಮಾರ್ಚ್‌ 6ರಂದು ಮಧ್ಯಾಹ್ನ 2ಕ್ಕೆ ಕಲಬುರಗಿಗೆ ಅವರು ಆಗಮಿಸಲಿದ್ದಾರೆ. ಪ್ರಧಾನಿ ಅವರು ನವದೆಹಲಿಯಿಂದ ವಿಶೇಷ ವಿಮಾನದ ಮೂಲಕ ಬೀದರ್‌ಗೆ ಆಗಮಿಸಿ, ಅಲ್ಲಿಂದ ಹೆಲಿಕಾಪ್ಟರ್‌ ಮೂಲಕ ಕಲಬುರಗಿ ನಗರಕ್ಕೆ ಆಗಮಿಸುವರು.

ಮೋದಿ ಅವರ ಕಲಬುರಗಿ ಭೇಟಿ ಕುರಿತು ರಾಜ್ಯ ಬಿಜೆಪಿಕಚೇರಿಗೆ ಅಧಿಕೃತ ಮಾಹಿತಿ ಬಂದಿದೆ. ಪ್ರಧಾನಿ ಅವರು ಮಾರ್ಚ್‌ 6ರಂದು ಮಧ್ಯಾಹ್ನ 2ಕ್ಕೆ ನಗರದ ಡಿಎಆರ್‌ ಪೊಲೀಸ್‌ ಮೈದಾನದಲ್ಲಿ ಸಾರ್ವಜನಿಕ ಸಭೆ ಉದ್ದೇಶಿಸಿ ಮಾತನಾಡಲಿದ್ದಾರೆ. ಪ್ರಧಾನಿ ಭೇಟಿ ಹಿನ್ನೆಲೆಯಲ್ಲಿ ಮಾರ್ಚ್‌ 1ರಂದು ಸ್ಥಳ ಪರಿಶೀಲಿಸಲಾಗುತ್ತಿದೆ ಎಂದು ಮೂಲಗಳು ತಿಳಿಸಿವೆ.

ಈ ಮಧ್ಯೆ, ಚಿಂಚೋಳಿ ಶಾಸಕ ಡಾ| ಉಮೇಶ ಜಾಧವ್‌ ಈ ಸಂದರ್ಭದಲ್ಲಿ ಬಿಜೆಪಿಗೆ ಸೇರ್ಪಡೆಯಾಗಲಿದ್ದು, ಮಾರ್ಚ್‌ 3 ಇಲ್ಲವೇ 4ರಂದು ಶಾಸಕ ಸ್ಥಾನಕ್ಕೆ ರಾಜೀನಾಮೆ ನೀಡಲಿದ್ದಾರೆ ಎಂದು ವರದಿಯಾಗಿದೆ.