ಮಂಗಳೂರು ಸ್ಮಾರ್ಟ್‌ಸಿಟಿ: 130 ಕೋಟಿ ರೂ. ಯೋಜನೆಗೆ ಒಪ್ಪಿಗೆ

Team Udayavani, Mar 3, 2019, 12:30 AM IST

ಮಂಗಳೂರು: ಮಂಗಳೂರು ಸ್ಮಾರ್ಟ್‌ ಸಿಟಿ ಯೋಜನೆಗೆ ಸಂಬಂಧಿಸಿ ಸುಮಾರು 130 ಕೋಟಿ ರೂ.ಗಳ 7 ಯೋಜನೆಗಳಿಗೆ ಶನಿವಾರ ಒಪ್ಪಿಗೆ ನೀಡಲಾಯಿತು.

ಬೆಂಗಳೂರಿನ ಕೆಪಿಸಿ ಶಕ್ತಿಭವನದಲ್ಲಿ ನಡೆದ ಸ್ಮಾರ್ಟ್‌ ಸಿಟಿ ಬೋರ್ಡ್‌ ಆಫ್ ಡೈರೆಕ್ಟರ್ಸ್‌ ಮೀಟಿಂಗ್‌ನಲ್ಲಿ 130 ಕೋ ರೂ.ಗಳ ಕಾಮಗಾರಿಗೆ ಅನುಮೋದನೆ ನೀಡಲಾಯಿತು. ಹಳೆಬಂದರು ಪ್ರದೇಶದ ಒಳಚರಂಡಿ, ರಸ್ತೆ ಕಾಮಗಾರಿ, ಸ್ಮಾರ್ಟ್‌ ಸ್ಕೂಲ್‌ ನಿರ್ಮಾಣ ಸೇರಿದಂತೆ 7 ಯೋಜನೆಗಳಿಗೆ ಅಂಗೀಕಾರ ದೊರಕಿತು. ನಗರದ ಆಯ್ದ ಸ್ಥಳಗಳಲ್ಲಿ ಸ್ಮಾರ್ಟ್‌ ಶಾಲೆ ನಿರ್ಮಾಣದ ಕುರಿತು ಕಳೆದ ಸ್ಮಾರ್ಟ್‌ ಸಿಟಿ ಸಭೆಯಲ್ಲಿ ಪ್ರಸ್ತಾಪನೆ ಸಲ್ಲಿಸಲಾಗಿತ್ತು. ಖಾಸಗಿ ಸಹಭಾಗಿತ್ವದಲ್ಲಿ ಬಸ್‌ ಟರ್ಮಿನಲ್‌ ನಿರ್ಮಾಣ, ಮಲ್ಟಿ ಲೆವೆಲ್‌ ಕಾರ್‌ ಪಾರ್ಕಿಂಗ್‌ ಬಗ್ಗೆ ಚರ್ಚೆ ನಡೆಯಿತು.

ಸಭೆಯಲ್ಲಿ ಭಾಸ್ಕರ್‌ ಕೆ., ಪ್ರೇಮಾನಂದ ಶೆಟ್ಟಿ, ಲ್ಯಾ®Õ…ಲಾಟ್‌ ಪಿಂಟೋ, ಶಶಿಧರ ಹೆಗ್ಡೆ, ರಮೀಜಾ ಬಾನು, ಮಹಮ್ಮದ್‌ ನಜೀರ್‌ ಉಪಸ್ಥಿತರಿದ್ದರು.