ವೈರಲ್‌ ಆಯ್ತು ಅಭಿ ಬಗೆಗಿನ “ಅಮುಲ್‌’ ಜಾಹೀರಾತು

Team Udayavani, Mar 4, 2019, 12:30 AM IST

ಹೊಸದಿಲ್ಲಿ: ಭಾರತದಲ್ಲಿ ಕೆಲವು ವಿಶೇಷ ವಿದ್ಯಮಾನಗಳು ಜರಗಿದಾಗ ಖ್ಯಾತ ಡೈರಿ ಕಂಪೆನಿಯಾದ “ಅಮುಲ್‌’, ಆ ಸಂದರ್ಭಕ್ಕೆ ತಕ್ಕ ಹಾಗೆ ವಿಶೇಷವಾದ ಜಾಹೀರಾತುಗಳನ್ನು ಪ್ರಕಟಿಸುವ ಸಂಪ್ರದಾಯವನ್ನು ರೂಢಿಸಿಕೊಂಡಿದೆ. 

ಇತ್ತೀಚೆಗೆ, ಪಾಕಿಸ್ಥಾನದಿಂದ ಬಂಧಮುಕ್ತರಾಗಿ ಬಂದ ವಿಂಗ್‌ ಕಮಾಂಡರ್‌ ಅಭಿನಂದನ್‌ ಬಗ್ಗೆಯೂ ಅಂಥದ್ದೊಂದು ಜಾಹೀರಾತನ್ನು  ಅಮೂಲ್‌ ಪ್ರಕಟಿಸಿದ್ದು ಅಂತರ್ಜಾಲದಲ್ಲಿ ವೈರಲ್‌ ಆಗಿದೆ. ಅಭಿನಂದನ್‌ ಅವರ ಮೀಸೆಯನ್ನೇ ಸ್ಫೂರ್ತಿಯಾಗಿಟ್ಟುಕೊಂಡು ತಯಾರಿಸಲಾದ ಈ ಜಾಹೀ ರಾತಿನಲ್ಲಿ, ಅನಾದಿ ಕಾಲದಿಂದಲೂ ನಮ್ಮ ದೇಶದಲ್ಲಿ ಬೆಳೆದುಬಂದ ವಿವಿಧ ಮೀಸೆಯ ಗೀಳನ್ನು ವಿವರಿಸಲಾಗಿದೆ.  #Amul Mooch: To Abhinandan from Amul!  ಎಂಬ ಹ್ಯಾಶ್‌ಟ್ಯಾಗ್‌ ಅಡಿಯಲ್ಲಿ ಮಾ. 2ರಂದು ಬಿಡುಗಡೆಯಾದ ಈ ಜಾಹಿರಾತನ್ನು 24 ಗಂಟೆಗಳಲ್ಲಿ 1,70,000 ಜನ ವೀಕ್ಷಿಸಿದ್ದು, 3,000ಕ್ಕೂ ಹೆಚ್ಚು ಜನರು ಲೈಕ್‌ ಮಾಡಿದ್ದಾರೆ.