ದಿಲ್ಲಿಯಲ್ಲಿ ದಟ್ಟ ಮಂಜು, ಕನಿಷ್ಠ ಗೋಚರತೆ: ಹತ್ತು ವಿಮಾನ ಬೇರೆಡೆಗೆ

Team Udayavani, Mar 4, 2019, 5:08 AM IST

ಹೊಸದಿಲ್ಲಿ : ರಾಷ್ಟ್ರ ರಾಜಧಾನಿ ದಿಲ್ಲಿಯಲ್ಲಿ ದಟ್ಟನೆ ಮಂಜು ಕವಿದಿರುವ ಕಾರಣ ಇಂದು ಸೋಮವಾರ ದಿಲ್ಲಿ ವಿಮಾನ ನಿಲ್ದಾಣದಿಂದ ಕನಿಷ್ಠ ಹತ್ತು ವಿಮಾನಗಳನ್ನು ಬೇರೆಡೆಗೆ ಕಳುಹಿಸಲಾಯಿತು ಎಂದು ವಿಮಾನ ನಿಲ್ದಾಣದ ಅಧಿಕಾರಿಗಳು ತಿಳಿಸಿದ್ದಾರೆ. ಇಂದು ಸೋಮವಾರ ಬೆಳಗ್ಗೆ 7.45ರಿಂದ 9.10 ರ ನಡುವೆ ಸುಮಾರು ಹತ್ತು ವಿಮಾನಗಳನ್ನು ದಿಲ್ಲಿ ವಿಮಾನ ನಿಲ್ದಾಣದಿಂದ ಬೇರೆಡೆಗೆ ಕಳುಹಿಸಲಾಯಿತು. ದಟ್ಟನೆಯ ಮಂಜು ಕವಿದ ಕಾರಣ ಅತ್ಯಂತ ಕಡಿಮೆ ದೃಗ್‌ ಗೋಚರತೆ ಇದ್ದ ಕಾರಣ ಒಂದು ಅಂತಾರಾಷ್ಟ್ರೀಯ ವಿಮಾನ ಮತ್ತು 9 ದೇಶೀ ಹಾರಾಟದ ವಿಮಾನಗಳನ್ನು ಬೇರೆಡೆಗೆ ಕಳುಹಿಸಲಾಯಿತು ಎಂದು ಅಧಿಕಾರಿಗಳು ತಿಳಿಸಿದರು. ದಿಲ್ಲಿಯಲ್ಲಿ ಕನಿಷ್ಠ ರನ್‌ ವೇ ಗೋಚರತೆಯು 125 ಮೀಟರ್‌ ಇರಬೇಕೆಂಬ ನಿಯಮವಿದೆ.