ಮಾದೇಶ್ವರನಿಗೆ 50ರ ಖುಷಿ

Team Udayavani, Mar 4, 2019, 10:34 AM IST

ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ “ಉಘೇ ಉಘೇ ಮಾದೇಶ್ವರ’ ಧಾರಾವಾಹಿಗೆ ಈಗ 50ರ ಸಂಭ್ರಮ. ಹೌದು, “ಉಘೇ ಉಘೇ ಮಾದೇಶ್ವರ’ ಧಾರಾವಾಹಿ 50 ಸಂಚಿಕೆಗಳನ್ನು ಪೂರ್ಣಗೊಳಿಸಿದೆ. ಈ ಹಿನ್ನೆಲೆಯಲ್ಲಿ ಮಾದೇಶ್ವರ ಬೆಟ್ಟಕ್ಕೆ ಭೇಟಿ ನೀಡಿದೆ ಧಾರಾವಾಹಿ ತಂಡ.

ಈ ಸಂದರ್ಭದಲ್ಲಿ ಅಲ್ಲಿನ ಭಕ್ತರು ಧಾರಾವಾಹಿ ತಂಡವನ್ನು ನೋಡಿ ಖುಷಿಪಟ್ಟಿದ್ದಾರೆ. ಇಂದು ಶಿವರಾತ್ರಿ ಪ್ರಯುಕ್ತ ವಿಶೇಷ ಸಂಚಿಕೆ ಪ್ರಸಾರವಾಗಲಿದೆ. ಕಂಸಾಳೆ ನೃತ್ಯತ ಹಾಗೂ ಮಾದೇಶ್ವರ ಕಾವ್ಯ ಗಾಯನ ಒಳಗೊಂಡ ವಿಶೇಷ ಸಂಚಿಕೆ “ಉಘೇ ಉಘೇ ಮಾದೇಶ್ವರ-ಶಿವರಾತ್ರಿ ಯಾತ್ರಾ ಸಮಯ’ ಬೆಳಗ್ಗೆ 10 ಗಂಟೆಗೆ ಪ್ರಸಾರವಾದರೆ, ರಾತ್ರಿ 12.30ಕ್ಕೆ “ಉಘೇ ಉಘೇ ಮಾದೇಶ್ವರ -ಶಿವರಾತ್ರಿ ಕಥಾ ಸಮಯ’ ಪ್ರಸಾರವಾಗಲಿದೆ.