ಮಾನವ ಬದುಕಿನ ನಿಜವಾದ ಸಾರ್ಥಕತೆ : ಎ.ಜಿ.ಸಿ. ಬಶೀರ್‌

Team Udayavani, Mar 7, 2019, 1:00 AM IST

ಬದಿಯಡ್ಕ: ಕೊಡುಗೈ ದಾನಿ, ದೀನಬಂಧು ಸಾಯಿರಾಂ ಗೋಪಾಲಕೃಷ್ಣ ಭಟ್‌ ಉಚಿತವಾಗಿ ಕೊಡಮಾಡಿದ 255ನೇ ಮನೆಯ ಕೀಲಿಕೈ ಹಸ್ತಾಂತರ ಕಿಳಿಂಗಾರಿನಲ್ಲಿ ನಡೆಯಿತು.

ಕಾರ್ಯಕ್ರಮದಲ್ಲಿ ಕಿಳಿಂಗಾರಿನ ಚಂದ್ರಾವತಿ ಅವರಿಗೆ ಜಿಲ್ಲಾ ಪಂಚಾಯತ್‌ ಅಧ್ಯಕ್ಷ ಎ.ಜಿ.ಸಿ. ಬಶೀರ್‌ ಕೀಲಿಕೈ ಹಸ್ತಾಂತರಿಸಿದರು. ಈ ಸಂದರ್ಭದಲ್ಲಿ ಮಾತನಾಡಿದ ಎಜಿಸಿ ಬಶೀರ್‌ ಅವರು ಭಯೋತ್ಪಾದನೆಯಂತಹ ಅಮಾನವೀಯತೆಯ ಮಧ್ಯೆ ಇಂದಿನ ಹೊಸ ತಲೆಮಾರಿಗೆ ಮಾನವೀಯತೆಯ ಪ್ರತಿಮೆಯಂತೆ ಕಾರ್ಯನಿರ್ವಹಿಸುತ್ತಿರುವ ಸಾಯಿರಾಂ ಭಟ್‌ ಅವರ ಬದುಕು ಸಾಧನೆಗಳು ಎಲ್ಲೆಡೆಗೆ ಮಾದರಿಯಾಗಿವೆೆ.

ಸಮಾಜದಲ್ಲಿ ಸಂಕಷ್ಟದಲ್ಲಿರುವವರ ಬಗ್ಗೆ ಭಟ್‌ ಅವರು ನಿರ್ವಹಿಸುತ್ತಿರುವ ಕಾಳಜಿ ಅಪೂರ್ವವಾಗಿದ್ದು, ಮಾನವ ಬದುಕಿನ ನಿಜವಾದ ಸಾರ್ಥಕತೆ ಅವರದು ಎಂದು ತಿಳಿಸಿದರು.

ಸಾಯಿರಾಂ ಗೋಪಾಲಕೃಷ್ಣ ಭಟ್‌, ಬದಿಯಡ್ಕ ಗ್ರಾ.ಪಂ.ಸ್ಥಾಯೀ ಸಮಿತಿ ಅಧ್ಯಕ್ಷ ಶಾಮಪ್ರಸಾದ್‌ ಮಾನ್ಯ, ಸದಸ್ಯ ಬಾಲಕೃಷ್ಣ ಶೆಟ್ಟಿ, ನರೇಗಾ ಯೋಜನಾ ಧಿಕಾರಿ ದಿಲೀಪ್‌, ಬ್ಲಾಕ್‌ ಅಭಿವೃದ್ಧಿ ಅಧಿ ಕಾರಿ ರಾಜೇಶ್‌, ಸಹಾಯಕ ಅಧಿ ಕಾರಿ ಉಮರ್‌, ಗ್ರಾ.ಪಂ.ಮಾಜಿ ಅಧ್ಯಕ್ಷ ಮಾಹಿನ್‌ ಕೇಳ್ಳೋಟ್‌, ಮುಖಂಡರಾದ ಅಬ್ಟಾಸ್‌, ಸಂಜೀವ ರೈ ಸೀತಾಂಗೋಳಿ, ಆನಂದ ಕಾರ್ನವರ್‌, ಶೀಲಾ ಕೆ. ಭಟ್‌, ಶಾರದಾ ಮೊದಲಾದವರು ಉಪಸ್ಥಿತರಿದ್ದರು. ಬದಿಯಡ್ಕ ಗ್ರಾ.ಪಂ. ಅಧ್ಯಕ್ಷ ಕೆ.ಎನ್‌.ಕೃಷ್ಣ ಭಟ್‌ ಸ್ವಾಗತಿಸಿ, ವಂದಿಸಿದರು.