“ಯಕ್ಷಲೋಕ ವಿಜಯ’ ಪ್ರಶಸ್ತಿ ಪುರಸ್ಕಾರ

Team Udayavani, Mar 8, 2019, 1:00 AM IST

ತೆಕ್ಕಟ್ಟೆ : ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ ಬೆಳಗೋಡು ಇಲ್ಲಿನ ಮಹಾ ಶಿವರಾತ್ರಿ ಮಹೋತ್ಸವದ ಅಂಗವಾಗಿ ನಡೆದ ಯಕ್ಷಗಾನದ ರಂಗವೇದಿಕೆಯಲ್ಲಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಭಾಗವತ ಪ್ರಸಂಗ ಕವಿ ಪ್ರಸಾದ್‌ ಕುಮಾರ್‌ ಮೊಗೆಬೆಟ್ಟು ಅವರನ್ನು ಬೆಳಗೋಡಿನ ಅವರ ಶಿಷ್ಯರು, ಕಲಾಭಿಮಾನಿಗಳು “ಯಕ್ಷಲೋಕ ವಿಜಯ’ ಬಿರುದು ನೀಡಿ ಸಮ್ಮಾನಿಸಿದರು. ಆಜ್ರಿ ಶನೈಶ್ಚರ ದೇವಸ್ಥಾನದ ಧರ್ಮದರ್ಶಿ ಅಶೋಕ್‌ ಕುಮಾರ್‌ ಶೆಟ್ಟಿ ಮೊಗೆಬೆಟ್ಟು ಅವರನ್ನು ಸಮ್ಮಾನಿಸಲಾಯಿತು.

ಬೆಳಗೋಡು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ವ್ಯವಸ್ಥಾಪನ ಸಮಿತಿಯ ಅಧ್ಯಕ್ಷ ಚಂದ್ರಶೇಖರ ಹೆಗ್ಡೆ ಅಧ್ಯಕ್ಷತೆ ವಹಿಸಿದರು.

ನಿವೃತ್ತ ಪೊಲೀಸ್‌ ಗುಪ್ತದಳ ಇಲಾಖೆಯ ಮುಖ್ಯಾಧಿಕಾರಿ ಬಿ.ಎ .ಶೆಟ್ಟಿ ಮೊಗೆಬೆಟ್ಟು, ಕೆದೂರು ಗ್ರಾ.ಪಂ ಮಾಜಿ ಅಧ್ಯಕ್ಷ ಶಾನಾಡಿ ಸಂಪತ್‌ ಕುಮಾರ್‌ ಶೆಟ್ಟಿ, ಕೋಟೇಶ್ವರ ವ್ಯವಸಾಯ ಸೇವಾ ಸಂಘದ ಅಧ್ಯಕ್ಷ ಶರತ್‌ ಕುಮಾರ್‌ ಹೆಗ್ಡೆ, ಕುಂದಾಪುರ ಪ್ರಾ.ಶಾ.ಶಿ.ಸಂ. ಅಧ್ಯಕ್ಷ  ಮಲ್ಯಾಡಿ ಸದಾರಾಮ ಶೆಟ್ಟಿ, ಬೆಳಗೋಡು ದೇವಸ್ಥಾನದ ವ್ಯವಸ್ಥಾಪನ ಸಮಿತಿ ಸದಸ್ಯ ಜಯರಾಮ ಶೆಟ್ಟಿ, ದೇಗುಲದ ಅರ್ಚಕ ರಾಮಮೂರ್ತಿ ಭಟ್‌ ಬೆಳಗೋಡು  ಉಪಸ್ಥಿತರಿದ್ದರು.

ಮಣೀಶ ಕುಮಾರ್‌ ಶೆಟ್ಟಿ ಸ್ವಾಗತಿಸಿ, ದೈಹಿಕ ಶಿಕ್ಷಣ ಶಿಕ್ಷಕ ಪ್ರಕಾಶ್‌ ಶೆಟ್ಟಿ ಬೆಳಗೋಡು ಕಾರ್ಯಕ್ರಮ ನಿರೂಪಿಸಿದರು. ದಿನೇಶ್‌ ಶೆಟ್ಟಿ ಸಮ್ಮಾನ ಪತ್ರ ವಾಚಿಸಿ, ಸತೀಶ್‌ ಶೆಟ್ಟಿ ಬೆಳಗೋಡು ವಂದಿಸಿದರು.