ಲಿಂಕ್ಡ್ ಇನ್‌ ಪ್ರಭಾವಿ ಸಮೂಹಕ್ಕೆ ದಿವ್ಯಾ

Team Udayavani, Mar 9, 2019, 12:30 AM IST

ಹೊಸದಲ್ಲಿ: 2017ರಲ್ಲಿ, ದೈತ್ಯ ಬೋಯಿಂಗ್‌ 777 ವಿಮಾನ ಚಲಾಯಿಸಿದ ವಿಶ್ವದ ಅತ್ಯಂತ ಕಿರಿಯ ಪೈಲಟ್‌ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದ್ದ ಭಾರತದ ಆ್ಯನಿ ದಿವ್ಯಾ, ಇದೀಗ ಲಿಂಕ್ಡ್ ಇನ್‌ ಜಾಲತಾಣದ ಪ್ರಭಾವಿಗಳ ಸಮೂಹಕ್ಕೆ ಸೇರ್ಪಡೆಗೊಂಡಿದ್ದಾರೆ. ಭಾರತ ಹಾಗೂ ಅಂತಾರಾಷ್ಟ್ರೀಯ ಸಾಧಕರು ಇರುವ ಲಿಂಕ್ಡ್ ಇನ್‌ನ 500 ಪ್ರಭಾವಿಗಳ ಸಮೂಹದಲ್ಲಿ ಭಾರತದ ಪ್ರಧಾನಿ ನರೇಂದ್ರ ಮೋದಿ, ಬಿಲ್‌ ಗೇಟ್ಸ್‌, ಪ್ರಿಯಾಂಕಾ ಚೋಪ್ರಾ, ಓಪ್ರಾ ವಿನ್ಫಿ, ಸಚಿನ್‌ ತೆಂಡೂಲ್ಕರ್‌, ಕಿರಣ್‌ ಮಜುಂದಾರ್‌ ಶಾ ಮುಂತಾದ ವರಿದ್ದಾರೆ. ಇಂಥ ಪಟ್ಟಿಗೆ ಹೊಸದಾಗಿ ಸೇರ್ಪಡೆಗೊಂಡಿರುವ ಆ್ಯನಿ ದಿವ್ಯಾರವರಿಗೆ ಸ್ವಾಗತ ಕೋರಿರುವ ಲಿಂಕ್ಡ್ ಇನ್‌ ಜಾಲತಾಣದ ಆಡಳಿತ ಮಂಡಳಿ, “ನಮ್ಮ ಜಾಲತಾಣದ ಅತ್ಯಂತ ಪ್ರಭಾವಿ ವ್ಯಕ್ತಿಗಳ ಪಟ್ಟಿಗೆ ಸೇರುವ ಮೂಲಕ ಆ್ಯನಿ ದಿವ್ಯಾ ಅವರು, ಭಾರತದಲ್ಲಿರುವ 5.5 ಕೋಟಿ ಬಳಕೆದಾರರು ಸೇರಿದಂತೆ 61 ಕೋಟಿ ಮೀರಿರುವ ಜಾಗತಿಕ ಮಟ್ಟದ ಬಳಕೆದಾರರೊಂದಿಗೆ ತಮ್ಮ ಸಾಧನೆಯನ್ನು ಹಂಚಿಕೊಳ್ಳಲಿದ್ದಾರೆ ಎಂದು ಹೇಳಿದೆ.