ಕಾಂಗ್ರೆಸ್‌ ಪಾಪಕ್ಕೆ ನಾವು ಹೊಣೆಯಲ್ಲ: ವಿಶ್ವನಾಥ್‌

Team Udayavani, Mar 10, 2019, 12:45 AM IST

ರಾಯಚೂರು: ಹಿಂದಿನ ಕಾಂಗ್ರೆಸ್‌ ಹಾಗೂ ಬಿಜೆಪಿ ಸರ್ಕಾರದ ಪಾಪಗಳಿಗೆ ಜೆಡಿಎಸ್‌ ಹೊಣೆ ಹೊರುವುದಿಲ್ಲ. ನಮ್ಮ ಪಕ್ಷಕ್ಕೆ ಅ ಧಿಕಾರ ಸಿಕ್ಕು 7 ತಿಂಗಳಾಗಿದ್ದು, ಅಭಿವೃದ್ಧಿ ಗೆ ನೀಡುತ್ತಿರುವ ಆದ್ಯತೆಯನ್ನು ರಾಜ್ಯದ ಜನ ನಿರ್ಧರಿಸುತ್ತಾರೆ ಎಂದು ಜೆಡಿಎಸ್‌ ರಾಜ್ಯಾಧ್ಯಕ್ಷ ಎಚ್‌.ವಿಶ್ವನಾಥ ಹೇಳಿದರು.

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಹಿಂದಿನ ಸರ್ಕಾರಗಳು ಅನುದಾನ ನೀಡಿದರೂ ಅಭಿವೃದ್ಧಿ  ಮಾಡಿಲ್ಲ ಎಂದರೆ ಅವರೇ ಜವಾಬ್ದಾರರು. ನಮ್ಮ ಸರ್ಕಾರ ಬಂದ ಮೇಲೆ ಸಾಲಮನ್ನಾ ಜತೆಗೆ ಸಾಕಷ್ಟು ಯೋಜನೆ ಜಾರಿ ಗೊಳಿಸಿದ್ದು, ಹಂತಹಂತವಾಗಿ ಎಲ್ಲ ಯೋಜನೆಗಳು ಸಮರ್ಪಕವಾಗಿ ಅನುಷ್ಠಾನಗೊಳ್ಳಲಿವೆ ಎಂದರು. ಉತ್ತರ ಕರ್ನಾಟಕಕ್ಕೆ ಮೋದಿ ಕೊಡುಗೆ ಶೂನ್ಯ. ಕೇಂದ್ರ ಈ ಭಾಗಕ್ಕೆ ನೀಡಿದ ಇಎಸ್‌ಐ ಮೆಡಿಕಲ್‌ ಕಾಲೇಜ್‌ನ 400 ಸೀಟುಗಳನ್ನು 100ಕ್ಕೆ ಇಳಿಸಿರುವುದು ಕೇಂದ್ರದ ಸಾಧನೆ ಎಂದರು.