ಫಿಕ್ಸಿಂಗ್‌ ಕೊಲೆಗಿಂತಲೂ ದೊಡ್ಡ ಅಪರಾಧ: ಧೋನಿ

Team Udayavani, Mar 12, 2019, 12:30 AM IST

ಹೊಸದಿಲ್ಲಿ: ವೆಬ್‌ ಸರಣಿಯಾಗಿ ಪ್ರಸಾರವಾಗಲಿರುವ ಮಾಜಿ ನಾಯಕ ಎಂ.ಎಸ್‌. ಧೋನಿ ಜೀವನಚರಿತ್ರೆ “ರೋರ್‌ ಆಫ್ ದಿ ಲಯನ್‌’ ಸಾಕ್ಷ್ಯಚಿತ್ರದ ಆರಂಭಕ್ಕೆ ದಿನಗಣನೆ ಆರಂಭವಾಗಿದೆ. ಈ ಕುರಿತ 45 ಸೆಕೆಂಡ್‌ಗಳ ಮೊದಲ ಟ್ರೈಲರ್‌ ಬಿಡುಗಡೆಯಾಗಿದೆ.

ಸಿಎಸ್‌ಕೆ ಮ್ಯಾಚ್‌ ಫಿಕ್ಸಿಂಗ್‌ ಪ್ರಕರಣದಲ್ಲಿ 2 ವರ್ಷ ನಿಷೇಧವಾಗಿದ್ದು, ಘಟನೆಯ ಬಳಿಕ ತಾನು ಹಾಗೂ ತಂಡದ ಆಟಗಾರರು ಅನುಭವಿಸಿದ್ದ ಕಷ್ಟ. ಅಭಿಮಾನಿಗಳು ಅನುಭವಿಸಿದ ಯಾತನೆ, 2 ವರ್ಷದ ಬಳಿಕ ತಂಡ ವಾಪಸ್‌ ಆಗಿ 2018ರಲ್ಲಿ ಐಪಿಎಲ್‌ ಕಿರೀಟ ಗೆದ್ದದ್ದು… ಹೀಗೆ ಧೋನಿ ಎಲ್ಲವನ್ನು ವೆಬ್‌ ಸಿರೀಸ್‌ನಲ್ಲಿ ಹಂಚಿಕೊಂಡಿದ್ದಾರೆ. ಮಾತ್ರವಲ್ಲ, ಕೊಲೆಗಿಂತಲೂ ಮ್ಯಾಚ್‌ ಫಿಕ್ಸಿಂಗ್‌ ದೊಡ್ಡ ಅಪರಾಧ ಎಂದಿದ್ದಾರೆ.

2015ರಲ್ಲಿ ಮಾಲಕರ ಬೆಟ್ಟಿಂಗ್‌ ಪ್ರಕರಣದಿಂದಾಗಿ ಸಿಎಸ್‌ಕೆ ಹಾಗೂ ರಾಜಸ್ಥಾನ್‌ ರಾಯಲ್ಸ್‌ ತಂಡಗಳು 2 ವರ್ಷ ನಿಷೇಧಕ್ಕೆ ಒಳಗಾಗಿದ್ದವು. ಈ ಕುರಿತಂತೆ ಮಾ. 20ರಿಂದ ಪ್ರಸಾರವಾಗಲಿರುವ ವೆಬ್‌ ಸರಣಿಯಲ್ಲಿ ಧೋನಿ ಎಲ್ಲವನ್ನೂ ತೆರೆದಿಟ್ಟಿದ್ದಾರೆ.