ದುರಸ್ತಿಗಾಗಿ ಅಗೆದಿದ್ದ ಸೇತುವೆಯಲ್ಲಿ ಬೈಕ್‌ ಪಲ್ಟಿ;ಸವಾರ ಗಂಭೀರ

Team Udayavani, Mar 15, 2019, 12:30 AM IST

ಕಾಪು:  ದುರಸ್ತಿಗಾಗಿ ಅಗೆದಿದ್ದ ಸೇತುವೆ ಮೇಲೆ ಬೈಕ್‌ ಚಲಾಯಿಸಿದ ಪರಿಣಾಮ ಹೊಂಡಕ್ಕೆ ಬಿದ್ದು ಸವಾರ, ಕಟಪಾಡಿ ಅಚ್ಚಡ ನಿವಾಸಿ ದಿನೇಶ್‌ ಶೆಟ್ಟಿ (35) ಅವರು  ಗಂಭೀರವಾಗಿ ಗಾಯಗೊಂಡ ಘಟನೆ ಬುಧವಾರ ರಾತ್ರಿ ಕಟಪಾಡಿ ಕಲ್ಲಾಪಿನಲ್ಲಿ ಸಂಭವಿಸಿದೆ.

ಕಟಪಾಡಿ ಹಳೆ ಎಂ.ಬಿ.ಸಿ ರಸ್ತೆಯಲ್ಲಿ ರಸ್ತೆ ಕಾಮಗಾರಿ ನಡೆಯುತ್ತಿದ್ದು, ಅದಕ್ಕಾಗಿ ಸೇತುವೆಯನ್ನು ಅಗೆಯಲಾಗಿತ್ತು. ಇಲ್ಲಿ ಸಂಚಾರ ತಡೆಗೆ ಯಾವುದೇ ಕ್ರಮ ಕೈಗೊಳ್ಳ ದಿರುವುದು ಘಟನೆಗೆ ಕಾರಣವೆನ್ನಲಾಗಿದೆ.ಸೇತುವೆಯನ್ನು ಅಗೆದಿರುವ ವಿಚಾರ ತಿಳಿಯದೆ ಮಾಮೂಲಿನಂತೆ  ಸವಾರಿ ಮಾಡಿದ್ದ ದಿನೇಶ್‌ ಅವರು ಬೈಕ್‌  ಸಹಿತ ಹೊಂಡಕ್ಕೆ ಬಿದ್ದಿದ್ದರು. 

ನಿರ್ಲಕ್ಷ್ಯ ಆರೋಪ 
ಘಟನೆಗೆ ಕಾಮಗಾರಿಯ ಗುತ್ತಿಗೆದಾರರು ಮತ್ತು ಎಂಜಿನಿಯರ್‌ಗಳ ನಿರ್ಲಕ್ಷ್ಯವೇ  ಕಾರಣ ಎಂದು ಸ್ಥಳೀಯರು ಆಪಾದಿಸಿದ್ದಾರೆ. ಬೆನ್ನು ಮೂಳೆ ಮುರಿತಕ್ಕೊಳ ಗಾಗಿರುವ ಅವರನ್ನು ಉಡುಪಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಕಾಪು  ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

ಕೊಲ್ಲಿ ರಾಷ್ಟ್ರದಲ್ಲಿ ಉದ್ಯೋಗದಲ್ಲಿದ್ದ ದಿನೇಶ್‌ ತನ್ನ ಗ್ರಹಪ್ರವೇಶ ಕಾರ್ಯ ಕ್ರಮಕ್ಕಾಗಿ ಇತ್ತೀಚೆಗಷ್ಟೇ ಊರಿಗೆ 
ಬಂದಿದ್ದರು.