ಇಂಡಿಯನ್‌ ಏರ್‌ಲೈನ್ಸ್‌ 43 ವಿಮಾನ ಖರೀದಿ: ತಲ್ವಾರ್‌ ತನಿಖೆಗೆ ಅನುಮತಿ

Team Udayavani, Mar 15, 2019, 10:45 AM IST

ಹೊಸದಿಲ್ಲಿ : ಫ್ರಾನ್ಸ್‌ ನ ಏರ್‌ ಬಸ್‌ ಇಂಡಸ್ಟ್ರಿ ಯಿಂದ 2005ರಲ್ಲಿ 43 ವಿಮಾನಗಳನ್ನು ಇಂಡಿಯನ್‌ ಏರ್‌ ಲೈನ್ಸ್‌ಗೆ ಖರೀದಿಸುವ ಡೀಲ್‌ನ  ದಲ್ಲಾಳಿ ಮತ್ತು ಪ್ರಕೃತ ಬೇರೊಂದು ಕೇಸಿನಲ್ಲಿ ತಿಹಾರ್‌ ಜೈಲಿನಲ್ಲಿರುವ ದೀಪಕ್‌ ತಲ್ವಾರ್‌ ನನ್ನು ಪ್ರಶ್ನಿಸುವುದಕ್ಕೆ ದಿಲ್ಲಿ ನ್ಯಾಯಾಲಯ ಇಂದು ಜಾರಿ ನಿರ್ದೇಶನಾಲಯಕ್ಕೆ (ED)ಅನುಮತಿ ನೀಡಿದೆ. 

ವಿದೇಶಿ ಖಾಸಗಿ ಏರ್‌ ಲೈನ್ಸ್‌ ಗಳಿಗೆ ಅನುಕೂಲ ಮಾಡಿಕೊಡುವ ಮೂಲಕ ಏರಿಂಡಿಯಾಕ್ಕೆ ಭಾರೀ ನಷ್ಟ ಉಂಟುಮಾಡಿರುವ ದಲ್ಲಾಳಿ ತಲ್ವಾರ್‌ ನನ್ನು ಪ್ರಶ್ನಿಸುವುದಕ್ಕಾಗಿ ಜಾರಿ ನಿರ್ದೇಶನಾಲಯ ದಿಲ್ಲಿ ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿತ್ತು. 

42 ವಿಮಾನಗಳ ಖರೀದಿಯಲ್ಲಿ ನಡೆದಿದೆ ಎನ್ನಲಾದ ಹಣಕಾಸು ಅಕ್ರಮಕ್ಕೆ ಸಂಬಂಧಿಸಿದ ಕ್ರಿಮಿನಲ್‌ ಸಂಚಿನ ಪೂರ್ತಿವಿವರಗಳನ್ನು ಬಯಲು ಮಾಡಲು ಪ್ರಕೃತ ಬೇರೊಂದು ಕೇಸಿನಲ್ಲಿ ತಿಹಾರ್‌ ಜೈಲಿನಲ್ಲಿ  ನ್ಯಾಯಾಂಗ ಕಸ್ಟಡಿಯಲ್ಲಿರುವ ತಲ್ವಾರ್‌ ನನ್ನು ಪ್ರಶ್ನಿಸುವುದಕ್ಕೆ ಅವಕಾಶ ನೀಡಬೇಕು ಎಂದು ಎಸ್‌ಪಿಪಿ ಗಳಾದ ಡಿಪಿ ಸಿಂಗ್‌ ಮತ್ತು ನಿತೇಶ್‌ ರಾಣಾ ನ್ಯಾಯಾಲಯವನ್ನು ಕೋರಿದರು.