ಅಭ್ಯಾಸ ನಿರತ ಕೋಲ್ಕತ ಕ್ರಿಕೆಟಿಗ ಸೋನು ಯಾದವ್‌ ಸಾವು

Team Udayavani, Mar 20, 2019, 11:19 AM IST

ಕೋಲ್ಕತ : ಅಂಗಣದಲ್ಲಿ ಅಭ್ಯಾಸನಿರತನಾಗಿದ್ದ ವೇಳೆ ಕೋಲ್ಕತದ ಯುವ ಕ್ರಿಕೆಟಿಗ ಸೋನು ಯಾದವ್‌ ಅಸ್ವಸ್ಥಗೊಂಡು ಆಸ್ಪತ್ರೆಗೆ ಒಯ್ಯಲ್ಪಟ್ಟರೂ ಅಲ್ಲಿನ ವೈದ್ಯರು ಆತ ಅದಾಗಲೇ ಮೃತಪಟ್ಟಿರುವುದಾಗಿ ಘೋಷಿಸಿರುವ ಘಟನೆ ವರದಿಯಾಗಿದೆ.

24 ಘಂಟಾ ವರದಿಯ ಪ್ರಕಾರ ಸೋನು ಒಬ್ಬ ಎರಡನೇ ಮಟ್ಟದ ಕ್ರಿಕೆಟಿಗ; ಆತ ಇಂದು ಅಭ್ಯಾಸಾರ್ಥವಾಗಿ ಅಂಗಣಕ್ಕಿಳಿದಾಗ ಅಸ್ವಸ್ಥನಾಗಿರುವಂತೆ ಕಂಡು ಬಂದ; ಆತನ ಸಹ ಆಟಗಾರರು ಆತನಿಗೆ ವಿಶ್ರಾಂತಿ ತೆಗೆದುಕೊಳ್ಳುವಂತೆ ಸೂಚಿಸಿ ಬಳಿಕ ಬಂಗಾಲ್‌ ಕ್ರಿಕೆಟ್‌ ಅಸೋಸಿಯೇಶನ್‌ ವೈದ್ಯಕೀಯ ಘಟಕಕ್ಕೆ ಒಯ್ದರು. ಅಲ್ಲಿಯ ವೈದ್ಯಕೀಯ ಪರಿಣತರು ಸೋನುವನ್ನು ಕೂಡಲೇ ಆಸ್ಪತ್ರೆಗೆ ಒಯ್ಯುವಂತೆ ಸೂಚಿಸಿದರು. ಆ ಪ್ರಕಾರ ಆತನನ್ನು ಎಸ್‌ಎಸ್‌ಕೆಎಂ ಆಸ್ಪತ್ರೆಗೆ ಒಯ್ಯಲಾಯಿತು. ಅಲ್ಲಿನ ವೈದ್ಯರು, ಸೋನು ಅದಾಗಲೇ ಮೃತಪಟ್ಟಿರುವುದಾಗಿ ಪ್ರಕಟಿಸಿದರು. 

ಸೋನು ಸಾವಿನ ಕಾರಣವೇನೆಂದು ಗೊತ್ತಾಗಿಲ್ಲ. ಅಂತೆಯೇ ಮರಣೋತ್ತರ ಪರೀಕ್ಷೆ ನಡೆಸಲಾಗುವುದು ಎಂದು ವೈದ್ಯಕೀಯ ಅಧಿಕಾರಿಳು ಹೇಳಿದ್ದಾರೆ.