ರಾಬರ್ಟ್‌ ವಾದ್ರಾಗೆ ಮಧ್ಯಂತರ ಪರಿಹಾರ ನಿರಾಕರಿಸಿದ ದಿಲ್ಲಿ ಹೈಕೋರ್ಟ್‌

Team Udayavani, Mar 25, 2019, 3:27 PM IST

ಹೊಸದಿಲ್ಲಿ : ಅಕ್ರಮ ಹಣ ವರ್ಗಾವಣೆ (PMLA) ಕೇಸಿಗೆ ಸಂಬಂಧಿಸಿ ಜಾರಿ ನಿರ್ದೇಶನಾಲಯ ತನ್ನ ವಿರುದ್ಧ ದಾಖಲಿಸಿದ್ದ ಎಫ್ಐಆರ್‌/ಇಸಿಐಆರ್‌ ರದ್ದು ಗೊಳಿಸಬೇಕೆಂದು ಕೋರಿ ಕಾಂಗ್ರೆಸ್‌ ನಾಯಕಿ ಪ್ರಿಯಾಂಕಾ ಗಾಂಧಿ ಅವರ ಪತಿ ರಾಬರ್ಟ್‌ ವಾದ್ರಾ ಸಲ್ಲಿಸಿರುವ ಮನವಿಯ ಪ್ರಕಾರ ಮಧ್ಯಂತರ ಪರಿಹಾರ ಮಂಜೂರು ಮಾಡಲು ದಿಲ್ಲಿ ಹೈಕೋರ್ಟಿನ ಜಸ್ಟಿಸ್‌ ಹಿಮಾ ಕೊಹ್ಲಿ ಮತ್ತು ಜಸ್ಟಿಸ್‌ವಿನೋದ್‌ ಗೊಯಲ್‌ ಅವರನ್ನು ಒಳಗೊಂಡ ವಿಭಾಗೀಯ ಪೀಠ ನಿರಾಕರಿಸಿದೆ.

ಪಟಿಯಾಲಾ ಹೈಕೋರ್ಟ್‌ ಈ ಕೇಸಿನಲ್ಲಿ ನಿರೀಕ್ಷಣಾ ಜಾಮೀನು ಅರ್ಜಿಯನ್ನು ವಿಚಾರಣೆ ನಡೆಸುತ್ತಿರುವುದರಿಂದ ತಾನು ಈ ನಡುವೆ  ಹಸ್ತಕ್ಷೇಪ ನಡೆಸಲಾರೆ ಎಂದು ದಿಲ್ಲಿ ಹೈಕೋರ್ಟ್‌ ಹೇಳಿತು.

ಹಣ ಅಕ್ರಮ ಕಾಯಿದೆಯ ಕೆಲವು ಸೆಕ್ಷನ್‌ಗಳ ಸಾಂವಿಧಾನಿಕ ಸಿಂಧುತ್ವವನ್ನು ಅರ್ಜಿದಾರರು ಪ್ರಶ್ನಿಸಿರುವ ಕಾರಣ ದಿಲ್ಲಿ ಹೈಕೋರ್ಟ್‌ ಆ ಸಂಬಂಧ ಜಾರಿ ನಿರ್ದೇಶನಾಲಯದ ಉತ್ತರ ಕೋರಿ ನೊಟೀಸ್‌ ಜಾರಿ ಮಾಡಿದೆ.

ಮಾತ್ರವಲ್ಲದೆ ರಾಬರ್ಟ್‌ ವಾದ್ರಾ ಮತ್ತು ಮನೋಜ್‌ ಅರೋರಾ ಅವರಿಗೆ ಇಸಿಐಆರ್‌ ಪ್ರತಿಯನ್ನು ಒದಗಿಸುವ,ತೆ ಜಾರಿ ನಿರ್ದೇಶನಾಲಯಕ್ಷೆ ಅದು ಸೂಚಿಸಿದೆ.