ಒಟ್ಟಾಗಿ ಪ್ರಚಾರ ಮಾಡಿ:”ಕೈ’ ನಾಯಕರಿಗೆ ಡಿಕೆಶಿ ಖಡಕ್‌ ಎಚ್ಚರಿಕೆ

Team Udayavani, Mar 31, 2019, 6:18 AM IST

ಶಿವಮೊಗ್ಗ: ಕಾಂಗ್ರೆಸ್‌ನಲ್ಲಿ ಇರಬೇಕು ಎಂದರೆ ಕಾಂಗ್ರೆಸ್‌ ಹಾಗೂ
ಜೆಡಿಎಸ್‌ ಮುಖಂಡರು ಒಂದೇ ಕಾರಿನಲ್ಲಿ ತೆರಳಿ ಚುನಾವಣಾ ಪ್ರಚಾರ ಮಾಡಬೇಕು. ಇಲ್ಲದಿದ್ದರೆ ಅವರು ಬೇರೆ ಗಾಡಿ ನೋಡಿಕೊಳ್ಳಬೇಕು ಎಂದು ಅಸಮಾಧಾನ ವ್ಯಕ್ತಪಡಿಸುವ ಕಾಂಗ್ರೆಸ್‌ ಮುಖಂಡರಿಗೆ ಸಚಿವ ಡಿ.ಕೆ.ಶಿವಕುಮಾರ್‌ ಖಡಕ್‌ ಎಚ್ಚರಿಕೆ ನೀಡಿದ್ದಾರೆ.

ಭದ್ರಾವತಿಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿ, “ಭದ್ರಾವತಿಗೆ, ಶಿವಮೊಗ್ಗಕ್ಕೆ ಶುಭ ಗಳಿಗೆ, ಶುಭ ಮಹೂರ್ತದಲ್ಲಿ ಬಂದಿದ್ದೇನೆ. ನನ್ನ ಹೆಲಿಕಾಫ್ಟರ್‌ ಯಾವ ಅಡಚಣೆಯೂ ಇಲ್ಲದೆ ನನ್ನನ್ನು ಕರೆದುಕೊಂಡು
ಬಂದಿದೆ. ಒಳ್ಳೆ ವ್ಯವಹಾರ ಮಾಡುವಾಗ ಹಾಲಮತದವರನ್ನು
ಕರೆಯುತ್ತೇವೆ’ ಎಂದರು.