“ಮಿಸ್ಟರ್‌ & ಮಿಸ್‌ ಫೇಸ್‌ ಆಫ್‌ ತುಳುನಾಡು’ ಆಯ್ಕೆ ಪ್ರಕ್ರಿಯೆ

Team Udayavani, Mar 31, 2019, 8:22 PM IST

ಪುಣೆ: ಪುಣೆ ಜೈ ತುಳುನಾಡು ಚಾರಿಟೆಬಲ್‌ ಟ್ರಸ್ಟ್‌ ಆಯೋಸುತ್ತಿರುವ “ಮಿಸ್ಟರ್‌ & ಮಿಸ್‌ ಫೇಸ್‌ ಆಫ್‌ ತುಳುನಾಡು -2019′ ಸೌಂದರ್ಯ ಸ್ಪರ್ಧೆಯ ತೃತೀಯ ಹಂತದ ಆಯ್ಕೆ ಪ್ರಕ್ರಿಯೆಯು ಮಾ. 24ರಂದು ಶ್ರೇಯಸ್‌ ಹೊಟೇಲ್‌ ಡೆಕ್ಕನ್‌ ಪುಣೆ ಇಲ್ಲಿ ಜರಗಿತು.

ಈ ಸಂದರ್ಭದಲ್ಲಿ ಸುಮಾರು 30ಕ್ಕೂ ಹೆಚ್ಚು ಯುವಕ ಯುವತಿ ಸ್ಪರ್ಧಾಳುಗಳು ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಿದರು. ಕಾರ್ಯಕ್ರಮದ ರೂವಾರಿಗಳಾದ ಜೈ ತುಳುನಾಡ ಪೊರ್ಲು ಚಾರಿಟೆಬಲ್‌ ಟ್ರಸ್ಟ್‌ನ ಸಂಸ್ಥಾಪಕರಾದ ಅರುಣ್‌ ಕುಮಾರ್‌, ಅಧ್ಯಕ್ಷರಾದ ಸೂರ್ಯ ಪೂಜಾರಿ, ಉಪಾಧ್ಯಕ್ಷರಾದ ಅಜಿತ್‌ ಶೆಟ್ಟಿ ಇವರು ಉಪಸ್ಥಿತರಿದ್ದು ಸ್ಪ³ರ್ಧಾಳುಗಳನ್ನು ಮತ್ತು ಅತಿಥಿ ಗಳನ್ನು ಸ್ವಾಗತಿಸಿದರು.
ಈ ಸಂದರ್ಭದಲ್ಲಿ ತುಳುಕೂಟ ಪುಣೆ ಇದರ ಅಧ್ಯಕ್ಷರಾದ ಮೋಹನ್‌ ಶೆಟ್ಟಿ, ಯುವ ವಿಭಾಗದ ಅಧ್ಯಕ್ಷ ರೋಹನ್‌ ಶೆಟ್ಟಿ, ನಿವೃತ್ತ ನೇವಿ ಕಮಾಂಡೋ ನಿತಿನ್‌ ನಾಡಕರ್ಣಿ ಅವರು ಅತಿಥಿಗಳಾಗಿ ಉಪಸ್ಥಿತರಿದ್ದರು. ತೀರ್ಪುಗಾರರಾಗಿ ಫ್ಯಾಶನ್‌ ಕೊರಿಯೋಗ್ರಾಫರ್‌ ಸನ್ನಿಧ್‌ ಪೂಜಾರಿ, ಕಟಪಾಡಿ, ಪ್ರಿಯಾಂಕಾ ಸಾಲ್ಯಾನ್‌, ಐಶ್ವರ್ಯ, ಅಮೃತಾ, ಮಿಶ್ರಾ ಪಾಟೀಲ… ಅವರು ಸಹಕರಿಸಿದರು.

ವಿಶೇಷ ಆಮಂತ್ರಿತರಾಗಿ ಗಿರೀಶ್‌ಪೂಜಾರಿ, ಕಿರಣ್‌ ಶೆಟ್ಟಿ, ಶ್ರೇಯಸ್‌ ಸುವರ್ಣ, ಪ್ರೇಮ ಶೆಟ್ಟಿ, ಪ್ರಿಯಾ ಪೂಜಾರಿ, ಗೀತಾ ಶೆಟ್ಟಿ, ಅಶ್ವಿ‌ತಾ ಪೂಜಾರಿ, ಅಭಿಜಿತ್‌ ಶೆಟ್ಟಿ, ಧನಂಜಯ್‌ ಪೂಜಾರಿ, ಸಮರ್ಥ್ ಶೆಟ್ಟಿ, ಶ್ರೇಯಾ ಶೆಟ್ಟಿ ಮತ್ತಿತರ ಗಣ್ಯರು ಉಪಸ್ಥಿತರಿದ್ದರು. ಅತಿಥಿ ಗಣ್ಯರು ಹಾಗೂ ತೀರ್ಪುಗಾರರನ್ನು ಟ್ರಸ್ಟ್‌ನ ಪದಾಧಿಕಾರಿಗಳು ಸ್ಮರಣಿಕೆ ಹಾಗೂ ಪುಷ್ಪಗುತ್ಛವನ್ನಿತ್ತು ಗೌರವಿಸಿದರು. ಕಾರ್ಯಕ್ರಮವನ್ನು ಶಂಕರ್‌ ಕೆ. ಪೂಜಾರಿ ಬಂಟಕಲ್‌ ನಿರೂಪಿಸಿ ವಂದಿಸಿದರು.