ಜಂಭದ ನರಿ

Team Udayavani, Apr 4, 2019, 6:00 AM IST

ಕಾಡಿನಲ್ಲಿ ನರಿಯೊಂದು
ಒಂಟಿಯಾಗಿ ಇದ್ದಿತು
ಹೇಳುವ ಕೇಳುವರಾರೂ ಇರದೇ
ತನ್ನಿಚ್ಛೆಯಂತೆ ನಡೆದಿತ್ತು||

ಕೆಟ್ಟ ಯೋಚನೆ ಬರಲು ಒಮ್ಮೆ
ತಪಸ್ಸಿಗೆ ಕುಳಿತಿತು
ಮೆಚ್ಚಿ ಬಂದ ದೇವರ ಎದುರು
ನಮ್ರವಾಗಿ ಬೇಡಿತು

ನಾನು ಬಯಸಿದವರು ಕೂಡಲೇ
ಸಾಯುವಂತೆ ಮಾಡು
ಇಲ್ಲವೆಂದು ಹೇಳದೇ ನನಗೆ
ಬಯಸಿದ ವರವನು ನೀಡು

ಕೇಡುಗಾಲ ಸಮೀಪ ಬಂದಿದೆ
ಎಂದು ದೇವ ನಕ್ಕನು
ನಿನ್ನಿಚ್ಛೆಯಂತೆ ಆಗಲೆಂದು
ಕೇಳಿದ ವರವನು ಕೊಟ್ಟನು

ಮಂತ್ರಶಕ್ತಿಯಿಂದ ನರಿಯು
ಪ್ರಾಣಿಗಳನು ಕೊಂದಿತು
ಬೇಟೆಯಾಡದೆ
ಅವುಗಳನು ತಿಂದು ತೇಗಿತು

ಕಷ್ಟ ಪಡದೇ ತಿನ್ನುತಿದ್ದ
ನರಿಯ ದೇಹವು ಊದಿತು
ಕೊಬ್ಬಿ ಕೊಬ್ಬಿ
ಒಂದು ದಿನ ಸತ್ತಿತು

— ಭೋಜರಾಜ ಸೊಪ್ಪಿಮಠ