ಶಾಸಕ ಅಂಗಾರ ಬಿರುಸಿನ ಪ್ರಚಾರ

Team Udayavani, Apr 9, 2019, 6:00 AM IST

ಕೆಮ್ಮಾರದಲ್ಲಿ ಶಾಸಕ ಎಸ್‌. ಅಂಗಾರ ಮತಯಾಚನೆ ಮಾಡಿದರು.

ಆಲಂಕಾರು: ಬಿಜೆಪಿ ಹಮ್ಮಿಕೊಂಡಿದ್ದ ಲೋಕಸಭಾ ಚುನಾವಣ ಪ್ರಚಾರ ಅಭಿಯಾನದ ಅಂಗವಾಗಿ ಸುಳ್ಯ ಶಾಸಕ ಎಸ್‌. ಅಂಗಾರ ಅವರು ಕೊçಲ ಗ್ರಾಮ ಪಂಚಾಯತ್‌ ವ್ಯಾಪ್ತಿಯಲ್ಲಿ ಮನೆ-ಮನೆಗೆ ತೆರಳಿ ಬಿಜೆಪಿ ಅಭ್ಯರ್ಥಿ ನಳಿನ್‌ ಕುಮಾರ್‌ ಕಟೀಲು ಪರ ಬಿರುಸಿನ ಪ್ರಚಾರ ನಡೆಸಿದರು.

ಕೊçಲ ಗ್ರಾ.ಪಂ. ಒಂದನೇ ಬ್ಲಾಕ್‌ನ ಕೊಯಿಲ ಜನತಾ ಕಾಲನಿ, ಬಡಿಲ, ಕೆಮ್ಮಾರ ಮೊದಲಾದ ಪ್ರದೇಶಗಳ ಮನೆಗಳಿಗೆ ತೆರಳಿದ ಶಾಸಕರು ಸ್ಥಳೀಯ ಪ್ರಮುಖರನ್ನು ಭೇಟಿ ಮಾಡಿ ಮತಯಾಚನೆ ಮಾಡಿದರು. ಎರಡನೇ ಬ್ಲಾಕ್‌ನ ಬಡ್ಡಮೆ ದಲಿತ ಕಾಲನಿಯ ಮನೆಗಳಿಗೆ ಭೇಟಿ ಕೊಟ್ಟು ಮೋದಿಯನ್ನು ಮತ್ತೂಮ್ಮೆ ಪ್ರಧಾನಿ ಮಾಡುವ ನಿಟ್ಟಿನಲ್ಲಿ ಬಿಜೆಪಿಗೆ ಮತ ಹಾಕುವಂತೆ ಮನವಿ ಮಾಡಿದರು.

ಕೊçಲ ಗ್ರಾ.ಪಂ. ಅಧ್ಯಕ್ಷೆ ಹೇಮಾ ಮೋಹನ್‌ದಾಸ್‌ ಶೆಟ್ಟಿ, ತಾ.ಪಂ. ಮಾಜಿ ಸದಸ್ಯೆ ಸಾವಿತ್ರಿ ವೆಂಕಪ್ಪ ಪೂಜಾರಿ, ಬಿಜೆಪಿ ಮುಖಂಡ ಶ್ರೀಶ ಕುಮಾರ್‌, ಮೋಹನ್‌ದಾಸ್‌ ಶೆಟ್ಟಿ, ಶ್ರೀರಾಮ ಕೆಮ್ಮಾರ, ಪ್ರಕಾಶ್‌ ಕೆಮ್ಮಾರ ಉಪಸ್ಥಿತರಿದ್ದರು.